ஃபிஃபா கால்பந்து தொடரில் கத்தார் மற்றும் சுவிட்சர்லாந்து அணிகளுக்கு இடையிலான ஆட்டம் டிராவில் முடிந்தது.
ஃபிஃபா உலகக் கோப்பை கால்பந்து தொடரில் ‘GROUP B’ பிரிவில் கத்தார் மற்றும் சுவிட்சர்லாந்து அணிகள் பலப்பரீட்சை நடத்தின.
ஆட்டம் தொடங்கிய 17வது நிமிடத்தில் சுவிட்சர்லாந்து வீரர் பெரெல் எம்பலோ கோல் அடித்தார். இதனால் ஒன்றுக்கு பூஜ்ஜியம் என்ற கோல் கணக்கில் சுவிட்சர்லாந்து முன்னிலை பெற்றது.
இதையடுத்து கோல் அடிக்க முயன்ற கத்தார் அணியின் அனைத்து முயற்சிகளையும் சுவிட்சர்லாந்து அணி சாதுர்யமாக முறியடித்தது.
விறுவிறுப்பான ஆட்டத்திற்கு மத்தியில் 95வது நிமிடத்தில் கத்தார் வீரர் பவுலிம் கொஹ்கி கோல் அடித்தார்.
இதனால், ஒன்றுக்கு ஒன்று என்ற கோல் கணக்கில் இரு அணிகளும் சமநிலை பெற்றன. இதையடுத்து, இரு அணிகளும் கோல் அடிக்க எடுத்த முயற்சிகள் தோல்வியடைந்த நிலையில் ஆட்டம் டிரா ஆனது.
கால்பந்து உலகக் கோப்பை வரலாற்றில் கத்தார் அணி தனது முதல் புள்ளியைப் பதிவு செய்து சாதனை படைத்திருப்பது குறிப்பிடத்தக்கது.
