நிலக்கடலை, வெல்லம் உள்ளிட்ட மூலப்பொருட்களின் விலை உயர்வால், கோவில்பட்டி கடலை மிட்டாய் விலை 25 சதவீதம் அதிகரிக்கப்பட்டுள்ளது.
கடலை மிட்டாய் தயாரிப்பில் முக்கிய மூலப்பொருளான நிலக்கடலையின் விலை கிடுகிடுவென உயர்ந்துள்ள நிலையில், வெல்லம், ஏலக்காய் மற்றும் பேக்கிங் பொருட்களின் விலையும் தொடர்ந்து அதிகரித்து வருகிறது. இதனால் உற்பத்திச் செலவு அதிகரித்து, உற்பத்தியாளர்கள் சிரமத்திற்கு உள்ளாகியுள்ளனர். இதையடுத்து, கோவில்பட்டி கடலை மிட்டாய் உற்பத்தியாளர்கள் மற்றும் விற்பனையாளர்கள் நலச்சங்கத்தினர் ஆலோசனை நடத்தி, விலையை 25 சதவீதம் உயர்த்த முடிவு செய்தனர். அதன்படி, இன்று முதல் ஒரு கிலோ கடலை மிட்டாய் 220 முதல் 320 ரூபாய் வரை விற்பனை செய்யப்படுகிறது.
