தமிழகத்திற்கு கூடுதல் மின்சாரம் தேவைப்படும் நிலையில், வெளியே வாங்கி இருக்க வேண்டும் – அன்புமணி கருத்து!

தமிழகத்திற்கு கூடுதல் மின்சாரம் தேவைப்படும் நிலையில், அரசு முறையாக திட்டமிடவில்லை என, பா.ம.க தலைவர் அன்புமணி ராமதாஸ் குற்றம்சாட்டினார்.

நாமக்கல் மாவட்டம் ராசிபுரம், மங்களபுரம் ஒண்டிக்கடை பகுதியில் பா.ம.க நிர்வாகி இல்லத் திருமண வரவேற்பு நிகழ்ச்சியில் அன்புமணி கலந்து கொண்டு மணமக்களை வாழ்த்தினார்.

பின்னர் செய்தியாளர்களிடம் பேசிய அவர், சேலம் குப்பை எரி உலை திட்டத்தை தமிழக அரசு கைவிட வேண்டும் என்று தெரிவித்தார். தமிழகத்திற்கு கடந்த ஆண்டைவிட செப்டம்பர் மாதத்தில் 4 ஆயிரம் மெகாவாட் கூடுதலாக மின்சாரம் தேவைப்படும் நிலையில், இதுகுறித்து அரசு திட்டமிட்டு வெளியில் இருந்து வாங்கி மின்வெட்டை போக்க வேண்டும் என்று வலியுறுத்தினார்.