ஜெம் வீரமணி போக்சோ வழக்கில் கைதான சாந்தி மற்றும் மகேந்திர சிம்ஹம் ஆகியோரை 3 நாட்கள் காவலில் எடுத்து விசாரிக்க சென்னை போக்சோ சிறப்பு நீதிமன்றம் அனுமதியளித்துள்ளது.
ஜெம் கிரானைட் நிறுவன உரிமையாளர் வீரமணி மீதான பாலியல் வன்கொடுமை வழக்கில் அவருக்கு உடந்தையாக இருந்ததாக சாந்தி, மகேந்திர சிம்ஹம் மற்றும் கணேசன் ஆகியோர் கைது செய்யப்பட்டனர்.
இந்த வழக்கில் கணேசனுக்கு ஏற்கெனவே நீதிமன்ற காவல் விதிக்கப்பட்ட நிலையில் சாந்தி மற்றும் மகேந்திர சிம்ஹம் ஆகிய இருவரையும் 3 நாட்கள் காவலில் எடுத்து விசாரிக்க அனுமதிக்கக்கோரி சென்னை மத்திய குற்றப்பிரிவு காவல்துறை சென்னை போக்சோ சிறப்பு நீதிமன்றத்தில் மனு தாக்கல் செய்தது.
இன்னும் எத்தனை சிறுமிகள் பாதிக்கப்பட்டுள்ளனர் என்பதை தெரிந்துகொள்ள, இருவரையும் விசாரிக்க வேண்டும் என மனுவில் கோரிக்கை விடுத்தனர்.
மனுவை விசாரித்த நீதிபதி பத்மா, இருவரையும் 3 நாட்கள் காவலில் எடுத்து விசாரிக்க அனுமதியளித்து உத்தரவிட்டார்.
தினமும் ஒரு முறை சாந்தியும், அவரது கணவரும் தங்கள் தரப்பு வழக்கறிஞரை சந்தித்து கொள்ளலாம் எனவும் நீதிபதி அனுமதியளித்தார்.
மேலும், காவல்துறை விசாரணை முடிந்த பிறகு வரும் 27ம் தேதி மாலை நேரில் ஆஜர்படுத்த உத்தரவிட்டு வழக்கை ஒத்திவைத்தார்.
