சிறுமிகள் பாலியல் வன்கொடுமை குற்றச்சாட்டில் கைதான ஜெம் வீரமணி வீட்டில் சிறப்பு புலனாய்வு போலீசார் சோதனை நடத்தியுள்ளனர்.
சிறுமிகள் பாலியல் வன்கொடுமை விவகாரத்தில் ஜெம் கிரானைட்ஸ் உரிமையாளர் வீரமணி மீது சிறப்பு புலனாய்வு போலீசார் 6-வது வழக்குப்பதிவு செய்துள்ளனர்.
5 போக்சோ வழக்குகளும், 11-ம் வகுப்பு மாணவர் தற்கொலை செய்துகொண்ட விவகாரத்தில், தற்கொலைக்குத் தூண்டியதாக ஒரு வழக்கும் என மொத்தம் 6 வழக்குகள் பதிவு செய்யப்பட்டுள்ளன.
இந்நிலையில், சென்னை ராயப்பேட்டை லாயிட்ஸ் சாலையில் உள்ள வீரமணியின் வீட்டில் சிறப்பு புலனாய்வு போலீசார் சோதனை நடத்தியதாக காவல்துறை தரப்பில் தெரிவிக்கப்பட்டுள்ளது.
எனினும், சோதனையின் பின்னணி மற்றும் கைப்பற்றப்பட்ட ஆவணங்கள் குறித்து தகவல் வெளியாகவில்லை.
