திமுக ஆட்சியில் குளிர்சாதன வசதி கொண்ட ஆயிரம் மின்சாரப் பேருந்துகளை வாங்குவதற்காக வெளியிடப்பட்ட டெண்டர் ரத்து செய்யப்பட்டுள்ளதாக அறிவிக்கப்பட்டுள்ளது.
கடந்த மார்ச் மாதம் திமுக ஆட்சிக்காலத்தில் சென்னைக்கு குளிர்சாதன வசதி கொண்ட ஆயிரம் மின்சாரப் பேருந்துகளை கொள்முதல் செய்ய டெண்டர் அறிவிக்கப்பட்டது. ஆட்சி மாற்றம் ஏற்பட்ட நிலையில், டெண்டரை திறக்கும் தேதி பலமுறை ஒத்திவைக்கப்பட்டது.
இந்நிலையில், நிர்வாக காரணங்களுக்காக டெண்டர் ரத்து செய்யப்பட்டுள்ளதாக மாநகர போக்குவரத்துக் கழகம் அறிவிப்பு வெளியிட்டுள்ளது. இந்த டெண்டரை எடுக்க எந்தவொரு நிறுவனமும் முன்வராததே தற்போது ரத்து செய்யப்படுவதற்கான காரணம் என தகவல் வெளியாகியுள்ளது.
