சங்கரன்கோவிலில் பெய்த கனமழை காரணமாக, சங்கரநாராயண சுவாமி கோயிலுக்குள் தண்ணீர் புகுந்து பக்தர்கள் அவதிக்கு உள்ளாகினர்.
தென்காசி மாவட்டம் சங்கரன்கோவிலில் இரண்டு மணி நேரத்திற்கும் மேலாக கனமழை பெய்தது. இதனால் நகரின் தாழ்வான பகுதிகளில் மழைநீர் வெள்ளம்போல் பெருக்கெடுத்தது.
ஓடைத் தெரு, நகைக்கடை பஜார், திருவேங்கடம் சாலை, பேருந்து நிலையம் உள்ளிட்ட பகுதிகளில் மழைநீருடன் கழிவுநீரும் கலந்து சாலைகளில் ஓடியதால் துர்நாற்றம் வீசியது. இதனிடையே, சங்கரன்கோவிலில் உள்ள பிரசித்தி பெற்ற சங்கரநாராயண சுவாமி கோயிலுக்குள் மழைநீர் புகுந்தது. எனினும் பக்தர்கள் தண்ணீரில் நின்றபடி சுவாமி தரிசனம் செய்தனர்.
கனரக இயந்திரங்களின் உதவியுடன், தேங்கியுள்ள மழைநீரை வெளியேற்றும் பணி நடைபெற்றது.
