யாரும் எதற்கும் கவலைப்பட வேண்டாம், மத்திய பாஜக தலைமையின் முழுமையான ஆதரவு உங்களுக்கு உண்டு என்று மத்திய உள்துறை அமைச்சர் அமித் ஷா தெரிவித்துள்ளார்.
டெல்லியில் மத்திய உள்துறை அமைச்சர் அமித்ஷா தலைமையில் பாஜக மையக்குழு கூட்டம் நடைபெற்றது. இதில் பாஜகவின் தேசிய தலைவர் நிதின் நபின் கலந்து கொண்டார்.
மேலும், பாஜக மாநில தலைவர் நயினார் நாகேந்திரன், பாஜக தேசிய மகளிர் அணி தலைவர் வானதி சீனிவாசன், மூத்த தலைவர் தமிழிசை சௌந்தரராஜன் மற்றும் மையக்குழு உறுப்பினர்கள் கலந்து கொண்டனர்.
அப்போது அனைவரின் மத்தியிலும் உரையாற்றிய அமித் ஷா, யாரும் எதற்கும் கவலைப்பட வேண்டாம் என்றும், உங்களது பணிகளை முழுமையாக செய்யுங்கள், அதற்கு மத்திய பாஜகவின் ஆதரவு முழுமையாக இருக்கும் எனக் கூறியுள்ளார். ஒவ்வொருவரும் சுற்றுப்பயணம் மேற்கொண்டு தொண்டர்களை சந்தியுங்கள் எனவும் அறிவுறுத்தியுள்ளார்.
