தவெக அரசுக்கு நல்ல புத்தியை வழங்க வேண்டி அக்டோபர் 16ம் தேதி வீடுகளில் கந்த சஷ்டி கவசம் படிக்கும் போராட்டம் நடைபெறும் என இந்து முன்னணி மாநிலத்தலைவர் காடேஸ்வரா சுப்பிரமணியம் தெரிவித்துள்ளார்.
ஈரோட்டில் செய்தியாளர்களிடம் பேசிய அவர், திருப்பரங்குன்றம் தீபத்தூணில் தீபம் ஏற்றுவதை நடைமுறைப்படுத்தக்கோரி அக்.11-ல் ஆர்ப்பாட்டம் நடைபெறும் என தெரிவித்துள்ளார்.
அரசுக்கு நல்ல புத்தியை வழங்க வேண்டி அக்.16ல் வீடுகளில் கந்த சஷ்டி கவசம் படிக்கும் போராட்டம் நடைபெறும் என்றும் அவர் குறிப்பிட்டார்.
சிறுபான்மையினர் நலத்துறை அமைச்சர் உள்ளிட்டோர் தங்களது தனிப்பட்ட மத நம்பிக்கைகளுக்கு முன்னுரிமை அளிப்பதாகவும் அவர் குறிப்பிட்டார்.
பழனி, ஸ்ரீரங்கம் கோயில் நில மோசடி விவகாரங்களில் தனி நீதிபதி நியமித்து விரைந்து நடவடிக்கை எடுக்க வேண்டும் என்றும்,
கோவை சசிகுமார் கொலை வழக்கில் ஆயுள் தண்டனை விதிக்கப்பட்ட குற்றவாளிகளுக்கு தூக்கு தண்டனை வழங்க வேண்டும் என்றும் அவர் தெரிவித்தார்.
