பழனியில் சுமார் 100 கோடி ரூபாய் மதிப்பிலான நில மோசடி வழக்கில், சார்பதிவாளர் அலுவலக பெண் ஊழியர் மற்றும் வழக்கறிஞர் என மேலும் இருவரை சிபிசிஐடி போலீசார் கைது செய்துள்ளனர்.
திண்டுக்கல் மாவட்டம் பழனியில், தண்டபாணி சுவாமி மடத்திற்குச் சொந்தமான நிலத்தை போலி ஆவணங்கள் மூலம் முறைகேடாக பத்திரப்பதிவு செய்ததாக புகார் எழுந்தது.
இது தொடர்பாக ஏற்கனவே 6 பேர் கைது செய்யப்பட்டுள்ள நிலையில், பணியிடைநீக்கம் செய்யப்பட்ட சார்பதிவாளர் அலுவலக இளநிலை உதவியாளர் சிவசங்கரி மற்றும் வழக்கறிஞர் சிவக்குமார் ஆகியோர் தற்போது கைது செய்யப்பட்டுள்ளனர்.
இதையடுத்து, இருவரையும் சிபிசிஐடி போலீசார் விசாரணைக்கு உட்படுத்தி, நில மோசடி தொடர்பாக தீவிர விசாரணை நடத்தி வருகின்றனர்.
