சென்னை மாதவரம் ஆவின் பால் பண்ணையில் ஆய்வு மேற்கொண்ட முதலமைச்சர் விஜய், 2 கோடியே 23 லட்சம் ரூபாய் மதிப்பில் கட்டப்பட்டுள்ள மாநில ஆய்வக துணைக் கட்டடத்தை திறந்து வைத்தார்.
சென்னை மற்றும் சுற்றுவட்டார பகுதிகளுக்கு மாதவரம் ஆவின் பால் பண்ணையில் இருந்து பால் விநியோகம் செய்யப்பட்டு வரும் நிலையில், சமீபத்தில் பால் தட்டுப்பாடு மற்றும் கூடுதல் விலைக்கு விற்பனை செய்யப்படுவதாக புகார்கள் எழுந்தன.
இந்நிலையில், மாதவரம் ஆவின் பால் பண்ணையில் ஆய்வு மேற்கொண்ட முதலமைச்சர் விஜய், 2 கோடியே 23 லட்சம் ரூபாய் மதிப்பில் கட்டப்பட்டுள்ள மாநில ஆய்வக துணைக் கட்டடத்தை திறந்து வைத்தார். இந்திய தர நிர்ணய ஆணையத்தின் வழிகாட்டுதலின்படி, அதிநவீன கருவிகளுடன் பால் மற்றும் பால் பொருட்களை துல்லியமாக ஆய்வு செய்யும் வகையில் இந்த ஆய்வகம் அமைக்கப்பட்டுள்ளது.
தொடர்ந்து, 152 கோடி ரூபாய் மதிப்பில் கட்டப்பட்டு வரும் புதிய கட்டடத்தையும் முதலமைச்சர் விஜய் பார்வையிட்டார்.
அதனைத் தொடர்ந்து, முதலமைச்சர் விஜய் தனது சொந்த தொகுதியான பெரம்பூர் தொகுதிக்குச் சென்றார். பெரம்பூர் எம்.எல்.ஏ. அலுவலகத்திற்குச் சென்ற அவர், அங்கு காத்திருந்த பொதுமக்களிடம் கோரிக்கை மனுக்களைப் பெற்றுக்கொண்டார். மேலும், இ-சேவை மூலம் விண்ணப்பித்த பொதுமக்களுக்கு பல்வேறு சான்றிதழ்களையும் வழங்கினார்.
