தமிழகத்தில் சாதி பிளவு மற்றும் வெறுப்புணர்வை உருவாக்க திமுக தான் முக்கிய காரணம்!- அண்ணாமலை

இந்து மதம் இந்தியாவில் மட்டுமல்ல, இப்போது உலகம் முழுவதும் அச்சுறுத்தலாக மாறியுள்ளது உள்ளது என்று திமுக ஆ. ராசா பேசும் காணொலியை பாஜக மாநிலத் தலைவர் அண்ணாமலை வெளியிட்டுள்ளார்.

இது குறித்து அவர் வெளியிட்டுள்ள எக்ஸ் பதிவில்

DMK MP A Raja calls Hindu Religion a menace to India & the world.

DMK is the principal reason for creating caste divide & hatred in TN, and the DMK MP has the audacity to blame Sanatana Dharma for the mess they made. pic.twitter.com/fqWO9FiQqY

— K.Annamalai (@annamalai_k) September 12, 2023

காணொலியில் பேசிய திமுக ஆ. ராசா,உலக அளவில் உள்ள ஜாதி என்ற நோய்க்கு இந்தியா தான் காரணம். ஜாதி அடிப்படையில் மக்களை பிரிக்கிறது இந்தியா. ஜாதியை பயன்படுத்தி பொருளாதார ரீதியில் மக்களை பிரிக்கிறது
சமூக சீர்கேட்டிற்கு மட்டும் சாதி பயன்படுத்தப்படுவதில்லை, பொருளாதார ஏற்ற தாழ்வுகளும் ஜாதியால் கட்டமைக்கப்படுகிறது.

இந்து மதத்தின் பெயரால் வெளிநாடுகளில் வாழும் இந்தியர்கள் ஜாதியை பரப்புகின்றனர், இந்து மதம் இந்தியாவுக்கு மட்டும் இன்றி உலக நாடுகளுக்கும் பெரும் அச்சுறுத்தலாக உள்ளது என தெரிவித்துள்ளார்.

தமிழகத்தில் சாதி பிளவு மற்றும் வெறுப்புணர்வை உருவாக்க திமுக தான் முக்கிய காரணம், அவர்கள் செய்த குளறுபடிக்கு சனாதன தர்மத்தை ஆ. ராசா குறை சொல்லி வருகிறார் என அண்ணாமலை தெரிவித்துள்ளார்.

சனாதன தர்மத்தை தொழுநோய் போன்ற நோய்க்கு ஒப்பிட்டதற்காக ராஜா ஏற்கனவே விமர்சனத்திற்கு உள்ளானார் என்பது குறிப்பிடத்தக்கது. உதயநிதியை தொடர்ந்து சனாதனம் குறித்து சர்ச்சை கருத்தை தெரிவித்த ராசா என்பது குறிப்பிடத்தக்கது.

சனாதனத்தை ஒழிக்க வேண்டும் என்று அமைச்சர் உதயநிதி கூறய கருத்து, தேசிய அளவில் சர்ச்சையை ஏற்படுத்தி உள்ளது. மேலும் உதயநிதியின் இந்த கருத்தை கண்டித்து பாஜக உள்ளிட்ட இந்து அமைப்புகள் கொந்தளித்து வருகின்றன. பாஜக தலைவர்கள், மத்திய அமைச்சர்கள், என பல தரப்பிலும் உதயநிதிக்கு கண்டனம் தெரிவித்து வருகின்றனர்.