ஆசிய விளையாட்டுப் போட்டிகளில் தங்கப்பதக்கம் வென்று இந்திய மகளிர் கிரிக்கெட் அணி சாதனை படைத்துள்ளது.
ஆசிய விளையாட்டுப் போட்டிகளுக்கான மகளிர் கிரிக்கெட் இறுதிப்போட்டியில் இந்தியா மற்றும் இலங்கை அணிகள் விளையாடின. இதில் டாஸ் வென்ற இந்திய அணி கேப்டன் ஹர்மன்ப்ரீத் கவுர் பேட்டிங்கை தேர்வு செய்தார்.
இந்திய அணியின் தொடக்க வீரர்களாக ஸ்மிருதி மந்தா மற்றும் ஷபாலி வர்மா களமிறங்கினர். இதில் ஷபாலி வர்மா 9 ரன்களுக்கு ஆட்டமிழந்தார். அடுத்ததாக ஜெமீமா ரோட்ரிக்ஸ் களமிறங்கினார். மந்தா மற்றும் ஜெமீமா கூட்டணி சிறப்பாக விளையாடி 73 ரன்களை சேர்த்த நிலையில் ஸ்மிருதி மந்தனா 46 ரன்களில் ஆட்டமிழக்க, தொடர்ந்து வந்த ரிச்சா கோஷ் 9 ரன்களிலும், கேப்டன் ஹர்மன்ப்ரீத் 2 ரன்களிலும் அடுத்தடுத்து ஆட்டமிழந்து வெளியேறினர். சிறப்பாக ஆடிய ஜெமீமா ரோட்ரிக்ஸ் 40 பந்துகளில் 42 ரன்கள் சேர்த்து ஆட்டமிழந்தார்.
20 ஓவர்கள் முடிவில் இந்திய அணி 7 விக்கெட்டுகள் இழப்பிற்கு 116 ரன்கள் சேர்த்திருந்தது. இதனால் இலங்கை அணிக்கு 117 ரன்கள் என்ற எளிய இலக்கு நிர்ணயிக்கப்பட்டது.
இலங்கை அணியின் தொடக்க வீரர்களாக சமாரி மற்றும் சஞ்வானி களமிறங்கினர். இதில் டைடஸ் சாது வீசிய பந்தில் சஞ்வானி 1 ரன்களிலும், சமாரி 12 ரன்களில் ஆட்டமிழந்து வெளியேறினார். அடுத்ததாக களமிறங்கிய குணரத்னே டக் அவுட் ஆகி வெளியேறினார்.
இதனால் இலங்கை அணி 14 ரன்களுக்கு 4 விக்கெட்டுகளை இழந்தது. பின்னர் வந்த பிரேரா மற்றும் டி சில்வா இணை சிறிது நேரம் நிதான ஆட்டத்தை வெளிப்படுத்தியது. ஆனால் ஹாசினி பெரேரா 25 ரன்களிலும், நிலாக்ஷி டி சில்வா 23 ரன்களிலும் அடுத்தடுத்து ஆட்டமிழந்து வெளியேறினர். பின்னர் வந்த வீராங்கனைகளில் ரணசிங்கே 26 பந்துகளில் 19 ரன்கள் சேர்த்தார்.
