தமிழ் திரையுலகின் முன்னணி நடிகரும், நடன இயக்குநருமான ராகவா லாரன்ஸ் ஸ்ரீ ராகவேந்திர ஸ்வாமிகளின் தீவிரமான பக்தர் என்பது அனைவரும் அறிந்ததே. அவர் சென்னையில் ஸ்ரீ ராகவேந்திரருக்கு தனி ஆலயம் கட்டி அவர் மீது அளவு கடந்த பக்தியை செலுத்தி வருகிறார்.
லைக்கா சுபாஷ்கரன் தயாரிப்பில்,இயக்குநர் பி. வாசு இயக்கத்தில், ராகவா லாரன்ஸ் நடித்த ‘சந்திரமுகி 2’ என்ற திரைப்படம், வெளியாகிறது.
தான் நடித்த இந்த திரைப்படம், மாபெரும் வெற்றி பெற வேண்டும் என்பதற்காக ராகவா லாரன்ஸ் , மந்திராலயம் சென்ற ஸ்ரீராகவேந்திர சுவாமியைத் தரிசனம் செய்துள்ளார்.
நடிகர் ராகவா லாரன்ஸ் சூப்பர் ஸ்டார் ரஜினிகாந்தின் தீவிர ரசிகர் என்பதும், அவர் பின்பற்றும் பல கொள்கைகளை இவரும் தீவிரமாக கடைப்பிடிப்பவர் என்பதும் அனைவரும் அறிந்தது தான். அந்த வகையில் சூப்பர் ஸ்டார் ரஜினிகாந்தை போலவே.. இவர் நடிப்பில் வெளியாகவிருக்கும் ‘சந்திரமுகி 2’ படத்தின் வெளியீட்டிற்கு முன் மந்த்ராலயம் சென்று ராகவேந்திரா சுவாமிகளை தரிசித்து ஆசி பெற்றிருப்பதைப் பலரும் பாராட்டுகிறார்கள்.
‘சந்திரமுகி 2’ தமிழ், தெலுங்கு, மலையாளம், கன்னடம், இந்தி ஆகிய மொழிகளில் உலகம் முழுவதும் திரையரங்குகளில் வெளியாகிறது.
