ஒலிம்பிக்கில் கிரிக்கெட்: பிரதமர் மோடி வரவேற்பு !

2028ம் ஆண்டு ஒலிம்பிக்கில் கிரிக்கெட் போட்டியை இணைத்ததற்கு பிரதமர் மோடி வரவேற்பு தெரிவித்துள்ளார்.

ஒலிம்பிக் போட்டியில் கிரிக்கெட்டை சேர்க்க வேண்டும் என நீண்ட நாட்களாக வலியுறுத்தப்பட்டு வந்தது. கடந்த 1896 ஆம் ஆண்டு ஒலிம்பிக் தொடங்கப்பட்டநிலையில், 1900ஆம் ஆண்டு மட்டும் கிரிக்கெட் இடம்பெற்றது. பின்னர் கிரிக்கெட் நீக்கப்பட்டது.

சர்வதேச ஒலிம்பிக் ஒருங்கிணைப்பு குழு கூட்டம் மும்பையில் நேற்று நடைபெற்றது. அப்போது லாஸ் ஏஞ்சல்ஸ் நகரில் 2028ஆம் ஆண்டு நடைபெறும் ஒலிம்பிக் போட்டியில், கிரிக்கெட் உள்ளிட்ட விளையாட்டுகளை சேர்க்க ஒப்புதல் வழங்கப்பட்டது.

Absolutely delighted that baseball-softball, cricket, flag football, lacrosse and squash will feature in @LA28. This is great news for sportspersons. As a cricket loving nation, we specially welcome inclusion of cricket, reflecting the rising global popularity of this wonderful… https://t.co/tnwrzqVPfL

— Narendra Modi (@narendramodi) October 16, 2023

ஏற்கனவே பரிந்துரைக்கப்பட்ட பேஸ்பால், சாப்ட்பால், ப்ளாக் கால்பந்து, லாக்ரோஸ் மற்றும் ஸ்குவாஷ் ஆகிய விளையாட்டுகளை சேர்க்கவும் கூட்டத்தில் ஒப்புதல் அளிக்கப்பட்டது.

இந்நிலையில், கிரிக்கெட் போட்டியை ஒலிம்பிக்கில் இணைத்ததற்கு பாரத பிரதமர் மோடி தனது எக்ஸ் பக்கத்தில் வரவேற்பு தெரிவித்துள்ளார்.

இது குறித்து அவர், லாஸ் ஏஞ்சல்ஸ் 2028 ஒலிம்பிக்கில் கிரிக்கெட், உள்ளிட்டப் போட்டிகள் இடம்பெறுவது மகிழ்ச்சி அளிக்கிறது. இது விளையாட்டு வீரர்களுக்கு சிறந்த செய்தி. கிரிக்கெட்டை விரும்பும் தேசமாக, கிரிக்கெட்டை இணைத்துள்ளதை வரவேற்கிறேன் என்று பதிவிட்டுள்ளார்.