தளபதி ரசிகர்களுக்கு விஜயதசமியை முன்னிட்டு போனஸ் கொடுத்த தயாரிப்பு நிறுவனம்.
லோகேஷ் கனகராஜ் இயக்கத்தில், தளபதி விஜய் நடிப்பில் வெளியான ‘லியோ’ திரைப்படத்தின் வெற்றியைத் தொடர்ந்து நடிகர் விஜய், இயக்குனர் வெங்கட் பிரபு இயக்கத்தில் உருவாகும் புதிய படத்தில் நடிக்கவுள்ளார்.
‘தளபதி 68’ என்று தற்காலிகமாக பெயர் வைக்கப்பட்டுள்ள இந்தப் படத்தை கல்பாத்தி எஸ் அகோரம் சார்பில் ஏ.ஜி.எஸ். நிறுவனம் தயாரிக்கிறது. இந்த படத்திற்கு லிட்டில் மேஸ்ட்ரோ யுவன் சங்கர் ராஜா இசையமைக்கவுள்ளார்.
இந்த படம் குறித்த அப்டேட்டுகளை ரசிகர்கள் கேட்க தொடங்கிவிட்ட நிலையில், படத்தயாரிப்பு நிறுவனம் ரசிகர்களின் கேள்விக்கு பதில் அளித்து உள்ளது.
அந்த வகையில், இன்று முதல் ‘தளபதி 68’ தொடர்பான அப்டேட்டுகள் வெளியாகும் என்று ஏ.ஜி.எஸ். நிறுவனம் தெரிவித்துள்ளது.
இதனைத் தொடர்ந்து இன்று விஜயதசமி நாளில் படத்தின் பூஜை நடத்தப்பட்டுள்ளது. இந்த வீடியோவை படத்தின் தயாரிப்பு நிறுவனம் தனது அதிகாரபூர்வ சமூக வலைதளத்தில் வெளியிட்டுள்ளது.
இந்த படத்தில் பிரபு தேவா, பிரசாந்த், சினேகா, லைலா, மீனாட்சி சௌத்ரி, மோகன், யோகி பாபு, அஜ்மல், வைபவ், பிரேம்ஜி, அரவிந்த ஆகாஷ் உள்ளிட்டோர் நடிக்க உள்ளனர்.
