தஞ்சை பெரியகோவிலை கட்டிய ராஜராஜ சோழன் 1038வது சதய விழாவை முன்னிட்டு இன்று பன்னிரு திருமுறை ஊர்வலம் நடைபெற்றது.
ராஜராஜ சோழன் முடி சூடிய நாளை, அவன் பிறந்த நட்சத்திரமான ஐப்பசி சதய நாளன்று சதய விழாவாகக கொண்டாடப்படுகிறது. அதன்படி நடப்பு ஆண்டுக்கான சதய விழா நேற்று கொடியேற்றத்துடன் தொடங்கியது. திருமுறை பாடல்கள், கருத்தரங்கம், 1038 பரதநாட்டிய கலைஞர்கள் பங்கேற்ற நடன நிகழ்ச்சி உள்ளிட்டவை நேற்று நடைபெற்றது.
இந்நிலையில் சதய விழாவான இன்று மாமன்னன் ராஜராஜ சோழன் சிலைக்கு தஞ்சை மாவட்ட ஆட்சியர் ‘தீபக் ஜேக்கப் மாலை அணிவித்தார். சதய விழா குழு தலைவர் செல்வம், தருமபுர ஆதீனம் ஸ்ரீலஸ்ரீ மாசிலாமணி ஞானசம்பந்த பரமாச்சாரிய சுவாமிகள் உள்ளிட்டோர் மாலை ராஜராஜ சோழன் சிலைக்கு மாலை அணிவித்தனர்.
இதனைத்தொடர்நது பன்னிரு திருமுறை சிறப்பு தீபாரதனை காண்பிக்கப்பட்டு, ஓதுவார்கள் பன்னிரு திருமுறை பாடல்களை பாடி ஊர்வலமாக, யானை மீது எடுத்துச் சென்றனர். பின்னர் பெருவுடையார் பெரிய நாயகிக்கு பேரபிஷேகம் நடைபெற்றது. இதில் ஏராளமான பக்தர்கள் பங்கேற்றனர்.
