15 ஆண்டுகளுக்கு பிறகு மாறும் தட்டச்சு பாடத்திட்டம்.
தமிழகத்தில் தட்டச்சு மற்றும் சுருக்கெழுத்து பயிற்சிக்கான பாடத்திட்டங்கள் அரசின் துறை மூலம் வடிவமைக்கப்பட்டு உள்ளது.
தட்டச்சு மற்றும் சுருக்கெழுத்து பயிற்சி பெற்றவர்கள் அரசு துறைகள் மற்றும் பல்வேறு துறைகளிலும் பணிநியமனம் செய்யப்படுகின்றனர். தேர்வுகள் பல்வேறு நிலைகளில் நடத்தப்பட்டு வருகிறது.
கடந்த 15 ஆண்டுகளாக தட்டச்சர் மற்றும் சுருக்கெழுத்து பயிற்சிகளுக்கு ஒரே பாடத்திட்டம் பின்பற்றப்பட்டு வருகிறது. தற்போது 2024 பிப்ரவரி முதல் புதிய பாடத்திட்டம் அமலுக்கு வர உள்ளதாக தெரிவிக்கப்பட்டுள்ளது.
இதன்படி, ஏழாம் வகுப்பு தேர்ச்சி பெற்றவர்கள், தட்டச்சு பயிற்சியில் சேர நுழைவு தேர்வு எழுத வேண்டும். எட்டாம் வகுப்பு தேர்ச்சி பெற்றிருந்தால், நேரடியாக இளநிலை படிப்பில் சேரலாம் இதற்கு நுழைவுத் தேர்வு தேவையில்லை.
தட்டச்சு ஆங்கில பிரிவில், இளநிலை தேர்ச்சி பெற்றால் மட்டுமே, அடுத்த நிலை தேர்வு எழுத முடியும் என, புதிய பாடத்திட்ட முறையில் தெரிவிக்கப்பட்டுள்ளது.
