சென்னை மாநகராட்சி பகுதிக்குட்பட்ட பகுதிகளில், பாஜக கொடிகளை நடுவதற்கு அனுமதிக்க வேண்டி சென்னை மாநகராட்சி கமிஷனர் ராதாகிருஷ்ணனிடம், பாஜக சார்பில் மனு அளிக்கப்பட்டது.
சென்னை மாநகராட்சி பகுதிக்குட்பட்ட பகுதிகளில், பாஜக கொடிகளைத் தொடர்ந்து நடுவதற்கான அனுமதிகோரி சென்னை மாநகராட்சி கமிஷனர் ராதாகிருஷ்ணனிடம், தமிழக பாஜக தலைவர் மாநிலத் தலைவர் அண்ணாமலை வழிகாட்டுதல்படி சந்தித்து, கொடியே கட்சியின் அடையாளமாகும், அதுவே கட்சித் தொண்டனின் பெருமையாகும் என்பதனை எடுத்துரைத்தனர்.
மற்ற கட்சிகளுக்கு எந்த அளவுக்கு மாநில மண்ணின் உரிமை உள்ளதோ, அதேபோல் இந்திய அளவில் உயர்ந்த கொள்கை சார்ந்த, ஆளும் பாஜகவின் கொடிகளுக்கு ஊசி முனை இடம் அளவு தர இயலாது என்று ஒதுக்கி, அதிகாரத்தைப் பயன்படுத்தி அகற்றினால், அது எவ்வகையில் ஜனநாயகத்தின் கடமையாகும்? என்பதைச் சுட்டிக் காட்டினர்.
இதனைத் தொடர்ந்து, நிர்வாகத்தில் கலந்தாலோசித்துக் கூடிய விரைவில் ஆவன செய்ய முயற்சிப்பதாக சென்னை மாநகராட்சி கமிஷனர் ராதாகிருஷ்ணன் தெரிவித்துள்ளார்.
