உங்களுடன் துணை நிற்கிறோம், எப்போதும் துணை நிற்போம் – மோடி!

உலகக்கோப்பை இறுதி ஆட்டத்தில் வெற்றி பெற்ற ஆஸ்திரேலிய அணிக்கு பிரதமர் மோடி வாழ்த்த தெரிவித்துள்ளார். வெற்றி வாய்ப்பை இழந்த இந்திய அணிக்கு பிரதமர் மோடி ஆறுதல் கூறியுள்ளார்.

ஐசிசி உலகக்கோப்பை ஒருநாள் கிரிக்கெட் போட்டி அகமதாபாத்தில் நேற்று நடைபெற்றது. இதில் 6 விக்கெட் வித்தியாசத்தில் இந்தியாவை வீழ்த்தி ஆஸ்திரேலியா சாம்பியன் பட்டத்தை கைப்பற்றியது. இதனையடுத்து ஆஸ்திரேலிய அணிக்கு பிரதமர் மோடி வாழ்த்து தெரிவித்துள்ளார்.

இது தொடர்பாக எக்ஸ் தளத்தில் அவர் பதிவு ஒன்றை வெளியிட்டுள்ளார்.

Dear Team India,

Your talent and determination through the World Cup was noteworthy. You've played with great spirit and brought immense pride to the nation.

We stand with you today and always.

— Narendra Modi (@narendramodi) November 19, 2023

அதில் உலகக் கோப்பை இறுதி ஆட்டத்தில் வெற்றி பெற்ற ஆஸ்திரேலிய அணிக்கு வாழ்த்துகள். போட்டி முழுவதும் தொடா்ந்த ஆஸ்திரேலியாவின் பாராட்டுக்குரிய விளையாட்டு, அற்புதமான வெற்றியின் மூலம் உச்சத்தை அடைந்துள்ளது. சிறப்பான ஆட்டத்தை வெளிப்படுத்திய டிராவிஸ் ஹெட்டுக்கு பாராட்டுகள் என தெரிவித்துள்ளார்.

அதேபோல், இந்த உலகக் கோப்பை போட்டி முழுவதும் இந்திய வீரா்கள் வெளிப்படுத்திய திறமையும், அா்ப்பணிப்பும் குறிப்பிடத்தக்கது.

மிகுந்த உற்சாகத்துடன் விளையாட்டு திறனை வெளிப்படுத்தி, நாட்டுக்கு பெருமையைச் சோ்த்தீா்கள். உங்களுடன் நாங்கள் இன்று துணை நிற்கிறோம். எப்போதும் துணை நிற்போம் என பிரதமர் மோடி குறிப்பிட்டுள்ளார்.