மேற்கு தொடர்ச்சி மலை மலைப்பகுதிகளில் பெய்து வரும் தொடர் மழை காரணமாக, பழனி வரதமாநதி அணை முழு கொள்ளளவை எட்டியுள்ளது. இதனால், விவசாயிகள் மகிழ்ச்சி அடைந்துள்ளனர்.
பழனி பகுதியில் வரதமாநதி மற்றும் குதிரையாறு அணைகள் உள்ளன. மேற்கு தொடர்ச்சி மலை மற்றும் கொடைக்கானல் மலைப்பகுதிகளில் பெய்யும் மழை காரணமாக இந்த அணைகளில் நீர் சேமிக்கப்படுகிறது.
பழனி – கொடைக்கானல் சாலையில் வரதமாநதி அணை அமைந்துள்ளது. 66 அடி உயரம் கொண்ட வரதமாநதி அணையிலிருந்து திறக்கப்படும் நீரின் மூலம் பழனி, ஆயக்குடி உள்ளிட்ட பகுதிகளில் நெல், கரும்பு உள்ளிட்ட பயிர்கள் சாகுபடி செய்யப்படுகிறது. மேலும், ஆயக்குடி பகுதியின் குடிநீர் ஆதாரமாகவும் உள்ளது.
இந்த நிலையில், கடந்த சில வாரங்களாக, மேற்கு தொடர்ச்சி மலைப்பகுதிகளில், பரவலாக மழை பெய்து வருகிறது. இதன் காரணமாக, 66 அடி உயரம் கொண்ட வரதமாநதி அணை முழு கொள்ளளவை எட்டியுள்ளது. இதனால், அப்பகுதியிலுள்ள விவசாயிகள் மகிழ்ச்சி அடைந்துள்ளனர்.
மேலும், அணை நிரம்பி உள்ளதால், ஆயக்குடி மற்றும் சுற்றுவட்டாரப் பகுதியில் உள்ள கிராமங்களுக்கு, வரும் நாட்களில் குடிநீர் பற்றாக்குறை ஏற்படாது.
