கலைப்புலி தாணு தயாரிப்பில் மிஷ்கின் இயக்கத்தில் விஜய் சேதுபதி நடிக்கும் ‘ ட்ரெயின் ‘ படத்தின் படப்பிடிப்பு இன்று பூஜையுடன் தொடங்கியது.
பிரபல தயாரிப்பு நிறுவனமான v கிரியேஷன்ஸ் நிறுவனத்தின் சார்பில் கலைப்புலி எஸ். தானு தயாரிக்க உள்ள அடுத்த திரைப்படத்தில், பிரபல நடிகர் மக்கள் செல்வன் விஜய் சேதுபதி நடிக்கிறார்.
இந்த திரைப்படத்தை இயக்குநர் மிஷ்கின் இயக்குகிறார், கடந்த 2020 ஆம் ஆண்டு வெளியான “சைக்கோ” திரைப்படத்திற்கு பிறகு நடிப்பதில் அவர் கவனம் செலுத்தி வந்தார்.
மிஷ்கின் தற்பொழுது ட்ரெயின் திரைப்பட பணிகளை துவங்கியுள்ளார். அதேபோல அவர் பிசாசு திரைப்படத்தின் இரண்டாம் பாகத்தையும் இயக்கி முடித்து, அது ரிலீசாக உள்ளது.
இந்நிலையில் ட்ரெயின் திரைப்படத்தின் பர்ஸ்ட் லுக் போஸ்டர் வெளியான நிலையில், இன்று அப்படத்தின் பூஜை நடைபெற்றது. அதேபோல இன்றே இப்படத்திற்கான படப்பிடிப்பு பணிகளும் தொடங்கியது.
இந்த படத்தில் பிரபல மூத்த தமிழ் நடிகர் செல்வா ஒரு முக்கிய கதாபாத்திரத்தில் நடிக்க இருப்பதாகவும் கூறப்படுகிறது. இயக்குநர் வெற்றிமாறன்,சிறப்பு விருந்தினராக பங்கேற்று ட்ரெயின் திரைப்பட பூஜையை தொடங்கி வைத்தார்.
