எல்லை தாண்டி மீன்பிடித்ததாகக் கூறி தமிழக மீனவர்கள் 17 பேரை இலங்கை கடற்படையினர் கைது செய்துள்ளனர். மேலும், அவர்களிடம் இருந்த மூன்று விசைப் படகுகளையும் அவர்கள் பறிமுதல் செய்துள்ளனர்.
எல்லைகளில் மீன் பிடிக்கும் தமிழக மீனவர்களை இலங்கை கடற்படை கைது செய்து, அவர்களின் படகுகளைப் பறிமுதல் செய்வது தொடர்கதையாகி உள்ளது.
இந்த நிலையில், மிக்ஜாம் புயல் கரையைக் கடந்து, காற்றின் வேகம் குறைந்த பிறகு தமிழக மீனவர்கள் மீன் பிடிக்க சென்றுள்ளனர். தமிழக மீனவர்கள் 17 பேர் கடலில் மீன்பிடித்துக் கொண்டிருந்தனர். அப்போது, அங்கு வந்த இலங்கை கடற்படையினர், எல்லை தாண்டி மீன்பிடித்ததாகக் கூறி 17 தமிழக மீனவர்களையும் கைது செய்தனர்.
மேலும், அவர்களிடம் இருந்த மூன்று விசைப் படகுகளையும் இலங்கை கடற்படையினர் பறிமுதல் செய்துள்ளனர். கைது செய்யப்பட்ட 17 மீனவர்களும், இலங்கை நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர்.
