அயோத்தியில் ஜனவரி 22-ம் தேதி நடைபெறவுள்ள ஸ்ரீராமர் கோவில் கும்பாபிஷேக விழாவின் முக்கிய நிகழ்ச்சிகள் தொடர்பான விவரங்களை ஸ்ரீராம ஜென்மபூமி தீர்த்த க்ஷேத்ரா அறக்கட்டளை ப் பகிர்ந்து கொண்டிருக்கிறது.
இதுகுறித்து அறக்கட்டளை வெளியிட்டிருக்கும் அறிக்கையில், “அயோத்தியில் உள்ள ஸ்ரீராம ஜென்மபூமி கோவிலில் ஜனவரி 22-ம் தேதி நடைபெறவுள்ள கும்பாபிஷேக விழாவின் நிகழ்ச்சி தொடர்பான அழைப்பிதழ், அனைத்து பாரம்பரியங்களில் இருந்தும் நாட்டின் மரியாதைக்குரிய புனிதர்களுக்கும், ஒவ்வொரு களத்திலும் அனைத்து முக்கிய நபர்களுக்கும் அனுப்பப்பட்டிருக்கின்றன.
மேலும், புதிய தீர்த்தக்ஷேத்திரபுரத்தில் 6 குழாய்க் கிணறுகள், 6 சமையலறை வீடுகள் மற்றும் 10 படுக்கைகள் கொண்ட மருத்துவமனை உட்பட ஒரு கூடார நகரம் நிறுவப்பட்டுள்ளது. நாடு முழுவதிலும் இருந்து சுமார் 150 மருத்துவர்கள் இந்த மருத்துவமனையில் சுழற்சி முறையில் தங்கள் சேவைகளை வழங்க ஒப்புக்கொண்டுள்ளனர். நகரின் ஒவ்வொரு மூலையிலும் லங்கர்கள், சமுதாய சமையல் கூடங்கள், உணவு விநியோக மையங்கள் மற்றும் உணவுப் பகுதிகள் அமைக்கப்படும்.
மேலும், அனைத்து பிரிவைச் சேர்ந்த சுமார் 4,000 புனிதர்கள் பங்கேற்க அழைக்கப்பட்டுள்ளனர். அனைத்து சங்கராச்சாரியார்களுக்கும், மகாமண்டலேசுவரர்களுக்கும், சீக்கிய மற்றும் பௌத்த சமூகங்களின் உயர்மட்ட ஆன்மீகத் தலைவர்களுக்கும் அழைப்புகள் அனுப்பப்பட்டுள்ளன.
வாமினி நாராயண், வாழும் கலை, காயத்ரி பரிவார், மீடியா ஹவுஸ், விளையாட்டு, விவசாயிகள் மற்றும் கலை உலகம் போன்ற பல்வேறு துறைகளைச் சேர்ந்த முக்கிய பிரமுகர்கள் அழைக்கப்பட்டுள்ளனர். 1984 முதல் 1992 வரை செயல்பட்ட மூத்த பத்திரிகையாளர்களுக்கும் அழைப்பிதழ்கள் அனுப்பப்பட்டுள்ளன. கரசேவகர்களின் குடும்பத்தினரும் அழைக்கப்பட்டுள்ளனர்.
ஸ்ரீராம ஜென்மபூமி பிரதிஷ்டை செய்யப்பட வேண்டிய ராம் லல்லா சிலைகளை கணேஷ் பட், அருண் யோகிராஜ் மற்றும் சத்யநாராயண் பாண்டே ஆகிய 3 சிற்பிகள் உருவாக்கி வருகின்றனர். இந்த மூன்றில் 5 வயது குழந்தையின் மென்மையை உயிர்ப்பிக்கும் ஸ்ரீராமர் சிலை தேர்ந்தெடுக்கப்படும். கும்பாபிஷேக சடங்குகள் ஜனவரி 16 முதல் தொடங்கும்.
காசியிலிருந்து கணேஷ்வர் சாஸ்திரி டிராவிட் ஜி மற்றும் லக்ஷ்மிகாந்த் தீட்சித் ஜி பிரான் பிரதிஷ்டா பூஜையை நடத்துவார்கள். கும்பாபிஷேக விழாவைத் தொடர்ந்து, மதிப்பிற்குரிய நபரான விஸ்வபிரசன் தீர்த் ஜி தலைமையில் 48 நாள் மண்டல பூஜை (சடங்கு வழிபாடு) நடைபெறும்” என்று தெரிவித்திருக்கிறது.
