கே.ஜி.எப் படத்தின் இயக்குநர் மற்றும் பாகுபலி படத்தின் நடிகர் பிரபாஸ் கூட்டணியில் தயாராகியுள்ள சாலார் பாசம் நாளை வெளியாகவுள்ளது.
பாகுபலி படத்தின் வெற்றிக்குப் பின் தொடர் தோல்விகளைச் சந்தித்து வந்த தெலுங்கு நடிகர் பிரபாஸ் தற்போது மாபெரும் வெற்றிப் படங்களைக் கொடுத்த இயக்குநருடன் கைகோர்த்துள்ளார்.
கே.ஜி.எப் படத்தின் இயக்குநர் பிரசாந்த் நீல் இயக்கிய பிரபாஸ் நடித்த திரைப்படம் தான் சாலார். ஹோம்பாளே பிலிம்ஸ் சார்பில் விஜய் கிரகந்தூர் தயாரித்துள்ள இந்த படத்தின் ட்ரைலர் 2 வாரங்களுக்கு முன்பு வெளியாகி நல்ல வரவேற்பைப் பெற்றது.
இப்படத்தில் பிரபாஸுக்கு ஜோடியாக ஸ்ருதிஹாசன் நடித்துள்ளார். மேலும் வில்லனாக பிருத்விராஜ், ஜெகபதி பாபு உட்படப் பலர் நடித்துள்ளனர். சுமார் ரூ.400 கோடி பட்ஜெட்டில் உருவாகியுள்ள இந்த படம் தமிழ், தெலுங்கு, ஹிந்தி, கன்னடம், மலையாள ஆகிய மொழிகளில் வெளியாக உள்ளது.
இந்நிலையில் இப்படம் நாளை ( 22/12/2023 ) வெளியாகவுள்ளது. மேலும் இப்படம் வெற்றி இயக்குநர் பிரசாந்த் நீல் இயக்கியுள்ள படம் என்பதால் ரசிகர்களிடம் பெரும் எதிர்பார்ப்பை ஏற்படுத்தியுள்ளது.
