இராமர் கோவில் கும்பாபிஷேகத்திற்காக 108 அடி நீள பிரமாண்ட ஊதுபத்தி தயாரிக்கப்படுகிறது.
அயோத்தி இராமர் கோவில் கும்பாபிஷேகம் அடுத்த ஆண்டு ஜனவரி 22ஆம் தேதி நடைபெறுகிறது. இந்த விழாவில் பிரதமர் மோடி, உத்தரப்பிரதேச முதலமைச்சர் யோகி ஆதித்யநாத் உள்ளிட்டோர் பங்கேற்கின்றனர்.
இந்த விழாவுக்காக குஜராத்தின் வதோதரா நகரில், 108 அடி நீளமும், 3.5 அடி அகலமும் கொண்ட தூபக் குச்சி தயாராகிறது. இது 3500 கிலோ கிராம் எடை கொண்டது. வதோதராவில் உள்ள தார்சாலியில் வசிக்கும் விஹாபாய் பர்வாத், என்பவர் கடந்த ஆறு மாதங்களாக இந்த நினைவுச்சின்னமான தூபக் குச்சியை தனியாக தயாரித்து வருகிறார்.
கடந்த காலத்தில் 111 அடி நீளமான ஊதுபத்தியை அவர் வெற்றிகரமாக தயாரித்துள்ளார். இந்த ஊதுபத்தியை ஒரு நீண்ட டிரெய்லர் டிரக் சுமார் 1800 கி.மீ. பயணம் செய்து வதோதராவில் அயோத்திக்கு கொண்டு செல்லவுள்ளது குறிப்பிடத்தக்கது.
