டிசம்பர் மாதத்திற்கான சிறந்த வீரர் மற்றும் வீராங்கனைக்கான பரிந்துரை பட்டியலை ஐசிசி அறிவித்துள்ளது.
ஒவ்வொரு மாதமும் சிறந்த வீரர்கள் வீராங்கனைகளை சர்வதேச கிரிக்கெட் கவுன்சில் தேர்வு செய்து கவுரவித்து வருகிறது.
அதன்படி டிசம்பர் மாதத்திற்கான சிறந்த வீரர் மற்றும் வீராங்கனையை தேர்வு செய்ய 3 வீரர்கள் மற்றும் 3 வீராங்கனைகள் பரிந்துரை பட்டியலில் உள்ளனர்.
அதன்படி டிசம்பர் மாதத்திற்கான பரிந்துரை பட்டியலில் ஆஸ்திரேலிய அணியின் கேப்டன் பேட் கம்மின்ஸ், நியூசிலாந்து அணியின் ஆல் ரவுண்டரான கிளென் பிலிப்ஸ் மற்றும் வங்காளதேச வீரர் தைஜுல் இஸ்லாம் ஆகியோரின் பெயர்கள் இடம்பெற்றுள்ளது.
இதேபோல் டிசம்பர் மாதத்திற்கான சிறந்த வீராங்கனையை தேர்வு செய்ய இந்திய வீராங்கனைகளான ஜெமிமா ரோட்ரிக்ஸ், தீப்தி சர்மா மற்றும் ஜிம்பாப்வே வீராங்கனை பிரிஷியஸ் மராஞ்ச் ஆகியோரின் பெயர்களை ஐசிசி பரிந்துரைத்துள்ளது.
