நியூசிலாந்து அணிக்கு எதிரான பாகிஸ்தான் டி20 அணி அறிவிப்பு. இதில் துணை கேப்டனாக ரிஸ்வான் நியமிக்கப்பட்டுள்ளார்.
பாகிஸ்தான் அணி ஆஸ்திரேலியாவில் சுற்றுப்பயணம் மேற்கொண்டு 3 டெஸ்ட் போட்டிகளில் விளையாடியது. இந்த மூன்று டெஸ்ட் தொடரிலும் தோல்வியடைந்து 3-0 என்ற கணக்கில் முழுவதுமாக தொடரை இழந்தது.
இந்த தொடர் முடிவடைந்த நிலையில் பாகிஸ்தான் அணி அடுத்து நியூசிலாந்துக்கு சுற்றுப்பயணம் மேற்கொள்ள உள்ளது. அங்கு 5 போட்டிகள் கொண்ட டி20 தொடரில் பாகிஸ்தான் அணி விளையாட உள்ளது.
நியூசிலாந்துக்கு எதிரான டி20 தொடரின் கேப்டன் மற்றும் 17 பேர் கொண்ட அணி ஏற்கனவே அறிவிக்கப்பட்டது. கேப்டன் பதவியில் இருந்து பாபர் அசாம் விலகிய நிலையில் புதிய கேப்டனாக சாஹின் அப்ரிடி நியமிக்கப்பட்டுள்ளார். துணை கேப்டனாக ரிஸ்வான் நியமிக்கப்பட்டுள்ளார்.
இரு அணிகளுக்கும் இடையேயான முதல் டி20 போட்டி வரும் 12ஆம் தேதி நடைபெறவுள்ளது.
பாகிஸ்தான் அணி விவரம் :
ஷாஹீன் ஷா அப்ரிடி (கேப்டன்), அமீர் ஜமால், அப்பாஸ் அப்ரிடி, அப்ரார் அகமது, அசம் கான், பாபர் அசாம், ஃபகார் ஜமான், ஹாரிஸ் ரவுஃப், ஹசீபுல்லா கான், இப்திகார் அகமது, முகமது நவாஸ், முகமது ரிஸ்வான், முகமது வாசிம், சாஹிப்சாதா ஃபர்ஹான், சைம் அயூப், உசாமா மிர், ஜமான் கான்.
