மலேசியாவில் நடைபெறவுள்ள ஆசிய பேட்மிண்டன் சாம்பியன்ஷிப் தொடருக்கான இந்திய அணியின் அறிவிப்பு வந்துள்ளது.
மலேசியாவில் உள்ள ஷா ஆலம் நகரில் ஆசிய பேட்மிண்டன் சாம்பியன்ஷிப் தொடர் நடைபெறவுள்ளது. இந்த தொடரானது பிப்ரவரி 13ஆம் தேதி தொடங்கி 19ஆம் தேதி வரை நடைபெறுள்ளது.
இந்நிலையில் இந்த தொடருக்கான இந்திய அணி அறிவிக்கப்பட்டுள்ளது.முழங்கால் காயம் காரணமாக கடந்த சில மாதங்களாக ஓய்வி இருந்த பி.வி.சிந்து, இந்த தொடரில் மகளிர் பிரிவில் இடம் பெற்றுள்ளார்.
மகளிர் அணியில் சிந்துவுடன் அன்மோல் கார்ப், தன்வி சர்மா, அஷ்மிதா சாலிஹா ஆகியோரும் ஒற்றையர் பிரிவில் இடம் பெற்றுள்ளனர்.
ஆண்கள் பிரிவில் எச்.எஸ்.பிரனோய் அணியை வழிநடத்த உள்ளார். லக்சயா சென், கிடாம்பி ஸ்ரீகாந்த், ஷிராக் சென் ஆகியோரும் ஆண்கள் ஒற்றையர் பிரிவில் களமிறங்க உள்ளனர்.
இந்திய ஆண்கள் அணி:
ஹெச்.எஸ்.பிரனோய், லக்சயா சென், கிடாம்பி ஸ்ரீகாந்த், ஷிராக் சென், சாத்விக் சாய்ராஜ் ராங்கி ரெட்டி, ஷிராக் ஷெட்டி, துருவ் கபிலா, எம்.ஆர்.அர்ஜூன், சூரஜ் கோலா, பிருத்வி ராய்.
இந்திய பெண்கள் அணி:
பி.வி.சிந்து, அன்மோல் கர்ப், தன்வி சர்மா, அஷ்மிதா சாலிஹா, ட்ரீசா ஜாலி, காயத்ரி கோபிசந்த், அஸ்வினி பொன்னப்பா, தனிஷா கிரஸ்டோ, பிரியா தேவி கொஞ்செங்பம், ஸ்ருதி மிஸ்ரா.
மேலும் இந்த தொடர் இந்தியா ஆண்கள் மற்றும் பெண்கள் அணிக்கு மிகவும் முக்கியமான தொடராக பார்க்கப்படுகிறது. ஏனெனில் பாரீஸ் ஒலிம்பிக் போட்டிக்கு தகுதி பெறுவதற்கு இது உதவியாக இருக்கும்.
