இந்தியாவில் நடைபெற்று வரும் புரோ கபடி தொடரில் இன்றைய முதல் போட்டியில் உ.பி. யோதாஸ் – தமிழ் தலைவாஸ் அணிகளும், இரண்டாவது போட்டியில் யு மும்பா – ஹரியானா ஸ்டீலர்ஸ் அணிகளும் விளையாடவுள்ளன.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
இந்நிலையில் இன்று இரண்டு போட்டிகள் நடைபெறவுள்ளது. இதன் முதல் போட்டி மும்பையில் இரவு 8 மணிக்கு நடைபெறவுள்ளது.
இந்தப் போட்டியில் உ.பி. யோதாஸ் – தமிழ் தலைவாஸ் அணிகள் விளையாடவுள்ளன. உ.பி. யோதாஸ் அணி புள்ளி பட்டியில் பத்தாவது இடத்திலும், தமிழ் தலைவாஸ் அணி 11வது இடத்திலும் உள்ளது.
இந்த இரண்டு அணிகளுமே சமநிலையில் உள்ளதால் யாருக்கு வெற்றி என்பது யூகிக்கமுடியாத வகையில் உள்ளது. இருப்பினும் தமிழ் தலைவாஸ் வெற்றி பெரும் என்று எதிர்பார்க்கப்படுகிறது.
இதைத் தொடர்ந்து இன்று நடைபெறும் மற்றொரு போட்டி மும்பையில் இரவு 9 மணிக்கு நடைபெறவுள்ளது. இதில் யு மும்பா – ஹரியானா ஸ்டீலர்ஸ் அணிகள் விளையாடவுள்ளது.
யு மும்பா அணி புள்ளி பட்டியலில் ஐந்தாவது இடத்திலும், ஹரியானா ஸ்டீலர்ஸ் அணி ஆறாவது இடத்திலும் உள்ளது. இந்த இரண்டு அணிகளுமே பலம் வாய்ந்த அணி என்பதால் இந்தப் போட்டி பரபரப்பாக இருக்கும்.
