இன்றைய நவீன டிஜிட்டல் யூகத்தில், ஓடிடி தளங்களில் பெரும்பாலான திரைப்படங்கள் வெளியாகின்றன. இவ்வாறு ஓடிடி தளங்களில் வெளியாகும் படங்கள் மாபெரும் வெற்றி பெறுவதால், ஓடிடி தளத்திற்கு பெரும் வரவேற்பு கிடைத்துள்ளது. ஜனவரி 15-ம் தேதி பொங்கல் பண்டிகை கொண்டாட உள்ள நிலையில், இந்த வாரம் ஓடிடியில் வெளியாக உள்ள படங்கள் குறித்து பார்ப்போம்.
டாம் க்ரூஸ் நடிப்பில், மிஷன் இம்பாசிபிள் திரைப்படம் அமேசான் ப்ரைமில் வெளியானது. பிக் பாஸ் பிரபலமான பூர்ணிமா ரவி, ரிஷிகாந்த், ராஜாமணி ஆகியோர் நடித்த சிவப்பி திரைப்படம் ஆஹா ஓடிடி தளத்தில் வெளியாகியுள்ளது.
சோனி லைவ் ஓடிடி தளத்தில், இயக்குநர் சேரன் இயக்கியுள்ள சேரன்ஸ் ஜர்னி என்ற வெப் தொடர் ஜனவரி 12 -ம் தேதி வெளியாக உள்ளது. இந்த தொடரில், நடிகர் சரத்குமார், பிரசன்னா, ஆரி அர்ஜுனன், கலையரசன் மற்றும் திவ்ய பாரதி உள்ளிட்டோர் நடித்துள்ளனர்.
சுதிப்தோ சென் இயக்கியுள்ள படம் தி கேரளா ஸ்டோரி. தமிழ், மலையாளம், தெலுங்கு, ஹிந்தி ஆகிய மொழிகளில் வெளியான நிலையில், ஜனவரி 12-ம் தேதி அன்று ஜீ5 ஓடிடி தளத்தில் வெளியாகிறது.
அறிமுக இயக்குநர் ஹரிஹரன் ராம் இயக்கியுள்ள திரைப்படம் ஜோ. இதில், ரியோ ராஜ் நாயகனாக நடித்துள்ளார். இந்த படம் டிஸ்னி பிளஸ் ஹாட்ஸ்டாரில் ஜனவரி 15 -ம் தேதி வெளியாக உள்ளது.
