மகேஷ்பாபு நடிப்பில் வெளிவந்த குண்டூர் காரம் திரைப்படத்தின் வசூல் குறித்து படக்குழு அறிவித்துள்ளது. அதன்படி மகேஷ்பாபுவின் படங்களில் இந்த படம் தான் முதல்நாள் வசூலில் அதிகம் என கூறப்படுகிறது.
மகேஷ்பாபு நடிப்பில் வெளிவந்த திரைப்படம் தான் குண்டூர் காரம். திரி விக்ரம் சீனிவாஸ் இயக்கத்தில் மகேஷ்பாபு உடன் ஸ்ரீலீலா, மீனாட்சி சவுத்ரி, ஜெகபதிபாபு உள்ளிட்டோர் இப்படத்தில் நடித்துள்ளனர்.
ஹாரிகா – ஹசைன் நிறுவனம் தயாரித்த இப்படம் ஜனவரி 12ஆம் தேதி பொங்கல் பண்டிகையை முன்னிட்டு வெளியானது.
200 கோடி ரூபாய் பட்ஜெட்டில் தயாரித்த இப்படத்திற்கு விமர்சகர்கள் மற்றும் ரசிகர்கள் மத்தியில் கலவையான விமர்சனங்களைப் பெற்றது. இப்போது இத்திரைப்படம் முதல் நாள் உலகளவில் ரூ. 94 கோடி வரை வசூலித்ததாக படக்குழுவினர்கள் அறிவித்துள்ளனர்.
மகேஷ்பாபுவின் படங்களில் இந்த படம் தான் முதல்நாள் வசூலில் அதிகம் என கூறப்படுகிறது. இந்நிலையில் இரண்டாம் நாள் வசூல் குறித்த தகவலும் வந்துள்ளது. அதன்படி இரண்டாம் நாள் இப்படத்தின் வசூல் 127 கோடி ரூபாய் வசூலளித்தது.
