ஆப்கானிஸ்தானில் விபத்துக்குள்ளானது இந்திய விமானம் அல்ல: அமைச்சகம் விளக்கம்!

ஆப்கானிஸ்தானில் விபத்துக்குள்ளான விமானம் இந்திய விமானம் அல்ல என்று மத்திய விமான போக்குவரத்து அமைச்சகம் விளக்கம் அளித்திருக்கிறது.

இந்தியாவில் இருந்து ரஷ்யா தலைநகர் மாஸ்கோவுக்கு இந்திய வம்சாவளியைச் சேர்ந்த பயணிகள் விமானம் ஒன்று புறப்பட்டதாகவும், அந்த விமானம், ஆப்கானிஸ்தான் நாட்டின் பதக்ஷான் மாகாணம் சிபெக் மாவட்டத்தில் உள்ள மலையில் மோதி விபத்துக்குள்ளானதாக தகவல் வெளியானது.

மேலும், விமானம் விபத்துக்குள்ளானதை தலிபான்கள் நியமித்த தகவல் மற்றும் கலாச்சாரத் தலைவர் உறுதி செய்ததாகவும் ஆப்கானிஸ்தானை தளமாகக் கொண்ட ஊடகங்கள் செய்திகள் வெளியிட்டன. இதனால், அந்த விமானத்தில் பயணித்த பயணிகளின் நிலை என்ன என்பது குறித்து பெரும் எதிர்பார்ப்பு நிலவியது.

இந்த நிலையில், ஆப்கானிஸ்தானில் விபத்துக்குள்ளான விமானம் இந்திய விமானம் அல்ல என்று அந்நாட்டு அரசு விளக்கம் அளித்திருக்கிறது.

இதையடுத்து, மத்திய சிவில் விமானப் போக்குவரத்து அமைச்சகம் வெளியிட்டிருக்கும் சமூக ஊடகப் பதிவில், “ஆப்கானிஸ்தானில் ஏற்பட்ட துரதிருஷ்டவசமான விமான விபத்து இந்தியாவைச் சேர்ந்த திட்டமிடப்பட்ட விமானமோ அல்லது திட்டமிடப்படாத பட்டய விமானமோ அல்ல. அது மொராக்கோவில் பதிவு செய்யப்பட்ட சிறிய DF-10 விமானம்” என்று தெரிவித்திருக்கிறது.

The unfortunate plane crash that has just occurred in Afghanistan is neither an Indian Scheduled Aircraft nor a Non Scheduled (NSOP)/Charter aircraft. It is a Moroccan registered small aircraft. More details are awaited.

— MoCA_GoI (@MoCA_GoI) January 21, 2024