இந்தியாவில் நடைபெற்று வரும் புரோ கபடி தொடரில் நேற்று நடைபெற்ற இரண்டு போட்டிகளில் ஜெய்ப்பூர் பிங்க் பாந்தர்ஸ் மற்றும் ஹரியானா ஸ்டீலர்ஸ் ஆகிய அணிகள் வெற்றி பெற்றது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
இந்நிலையில் நேற்று இரண்டு போட்டிகள் நடைபெற்றது. அதில் நேற்று நடைபெற்ற முதல் போட்டியில் ஜெய்ப்பூர் பிங்க் பாந்தர்ஸ் – பெங்கால் வாரியர்ஸ் அணிகள் விளையாடியது.
இதில் ஜெய்ப்பூர் பிங்க் பாந்தர்ஸ் அணி 42-25 என்ற பள்ளிக்கணக்கில் பெங்கால் வாரியர்ஸ் அணியை வீழ்த்தி அபார வெற்றி பெற்றது.
இதன் மூலம் ஜெய்ப்பூர் அணி புள்ளி பட்டியலில் முதல் இடத்தில் உள்ளது. பெங்கால் வாரியர்ஸ் அணி 6வது இடத்தில் உள்ளது.
இதனைத் தொடர்ந்து நேற்று நடைபெற்ற மற்றொரு போட்டியில் தெலுங்கு டைட்டன்ஸ் – ஹரியானா ஸ்டீலர்ஸ் அணிகள் விளையாடியது.
விறுவிறுப்பாக நடைபெற்ற இந்தப் போட்டியில் 37-30 என்ற புள்ளி கணக்கில் தெலுங்கு டைட்டன்ஸ் அணியை வீழ்த்தி ஹரியானா ஸ்டீலர்ஸ் வெற்றி பெற்றது.
இந்த வெற்றியின் மூலம் ஹரியானா ஸ்டீலர்ஸ் அணி புள்ளி பட்டியலில் 5வது இடத்திலும், தெலுங்கு டைட்டன்ஸ் கடைசி இடத்திலும் உள்ளது.
