இந்தியாவில் கொரோனாவால் பாதிக்கப்பட்டு சிகிச்சை பெறுவோரின் மொத்த எண்ணிக்கை 2 ஆயிரத்து 31 ஆக உள்ளது.
உலகம் முழுவதும் கடந்த நவம்பர் மாதம் முதல் கொரோனா பாதிப்பு அதிகரிக்க தொடங்கியது. இந்தியாவிலும் கொரோனா பாதிப்பு அதிகரித்த நிலையில், கடந்த சில நாட்களாக மெல்ல குறைய தொடங்கி உள்ளது.
கடந்த 24 மணி நேரத்தில், காலை 8 மணி நிலவரப்படி 236 பேருக்கு கொரோனா பாதிப்பு உறுதி செய்யப்பட்டுள்ளது. நாட்டில் கொரோனாவால் பாதிக்கப்பட்டு சிகிச்சை பெறுவோரின் மொத்த எண்ணிக்கை, 2 ஆயிரத்து 31 ஆக உள்ளது.
கடந்த 24 மணி நேரத்தில், கொரோனா பாதிப்பில் இருந்து 236 பேர் மீண்டுள்ளனர். கொரோனா பாதிப்பில் இருந்து இதுவரை 4 கோடியே 44 இலட்சத்து 88 ஆயிரத்து 720 பேர் மீண்டுள்ளனர். கொரோனா பாதிப்பால் மூன்று பேர் உயிரிழந்தனர்.
இந்தியாவில் தற்போது வரை 220 கோடியே 67 இலட்சத்து 84 ஆயிரத்து 533 டோஸ் கோவிட்-19 தடுப்பூசிகள் போடப்பட்டுள்ளது.
