இதுபோன்ற பத்திரிகையாளர்கள் ஊடகத் துறைக்கே அவமானம்: அண்ணாமலை காட்டம்!

ஆளும் தி.மு.க. அரசை மகிழ்விக்கும் பிரச்சார இயந்திரமாகச் செயல்படும் பத்திரிகையாளர் ஜனநாயகத்தின் 4-வது தூணான ஊடகத் துறைக்கே அவமானம்” என்று தமிழக பா.ஜ.க. தலைவர் அண்ணாமலை விமர்சனம் செய்திருக்கிறார்.

செய்தியாளர்களை தரக்குறைவாகப் பேசுவதாகக் கூறி, தமிழக பா.ஜ.க. தலைவர் அண்ணாமலையை கண்டித்து சில செய்தியாளர்கள் இன்று மாலை 4 மணியளவில் சென்னை வள்ளுவர் கோட்டத்தில் கண்டன ஆர்ப்பாட்டம் நடத்தப்போவதாகத் தெரிவித்திருக்கிறார்கள்.

இந்த நிலையில், இதற்கு பதிலடி கொடுத்து தமிழக பா.ஜ.க. தலைவர் அண்ணாமலை தனது எக்ஸ் பக்கத்தில் வெளியிட்டிருக்கும் பதிவில், “எனக்கு எதிராகக் களமிறக்கப்பட்டுள்ள, தி.மு.க. என்ற வெங்காயத்தின் முதல் அடுக்கு என்று பரவலாக அறியப்பட்டவர்கள், இன்றைய தினம் ஒரு ஆர்ப்பாட்டம் நடத்த முடிவு செய்திருக்கிறார்கள் என்பதை அறிகிறேன்.

இன்றைய ஆர்ப்பாட்டம், கடந்த ஒரு ஆண்டில் மட்டும், எனக்கு எதிராக இந்தக் கும்பலால் நடத்தப்படும் 3-வது ஆர்ப்பாட்டமாகும். இதனை நான் பெருமையாகவே கருதுகிறேன். தாங்கள் ஒரு பத்திரிகையாளர் என்பதை மறந்துவிட்டு, தி.மு.க.வின் செய்தித் தொடர்பாளர் போல் நடந்து கொள்ளும், வெங்காயத்தின் முதல் அடுக்கான இவர்களின் உண்மை நிலைப்பாடு குறித்த சில எடுத்துக்காட்டுகள் இதோ.

The first layer of the DMK onion, as we popularly know it, is activated & I understand that they are assembling today to protest against me.

Today’s protest is the 3rd such protest carried out by this group against me in the last year & I consider it a badge of honour.

Here… pic.twitter.com/1LCVzs0izA

— K.Annamalai (@annamalai_k) January 25, 2024

பத்திரிக்கையாளர்கள் வேஷம் போட்ட இந்த சில தி.மு.க. அடிவருடிகளால், இனியும் தமிழ்நாட்டு அரசியலின் போக்கை முடிவு செய்யவோ, கட்டுப்படுத்தவோ முடியாது. தங்கள் உயிரைப் பணயம் வைத்து, மக்கள் பிரச்சனைகளை வெளிக் கொண்டு வரும் பத்திரிகையாளர்களுடன் தோளோடு தோள் நிற்கிறேன்.

அதே நேரத்தில், ஆளும் தி.மு.க. அரசை மகிழ்விக்கும் பிரச்சார இயந்திரமாகச் செயல்படுபவர்களை நான் வெறுக்கிறேன். அவர்கள் ஜனநாயகத்தின் 4-வது தூணான ஊடகத் துறைக்கே அவமானம்” என்று தெரிவித்திருக்கிறார்.