மேகாலயாவில் 3.5 ரிக்டர் அளவில் இன்று நிலநடுக்கம் ஏற்பட்டதாக தேசிய நில அதிர்வு மையம் தெரிவித்துள்ளது.
கிழக்கு காரோ மலை பகுதியில் இன்று பிற்பகல் 2.37 மணிக்கு நிலநடுக்கம் ஏற்பட்டது. இது ரிக்டர் அளவுகோலில் 3.5 ஆக பதிவானது.
இந்த நிலநடுக்கம் பூமிக்கடியில், 12 கிலோமீட்டர் ஆழத்தில் மையம் கொண்டு ஏற்பட்டதாக தேசிய நில அதிர்வு மையம் தெரிவித்துள்ளது.
கிழக்கு காரோ மலையை ஒட்டியுள்ள பகுதிகளில், நிலநடுக்கத்தின் அதிர்வுகள் உணரப்பட்டன. இதனால், அப்பகுதியில் இருந்த மக்கள் அச்சமடைந்தனர்.
இந்த நிலநடுக்கத்தால், ஏற்பட்ட பாதிப்புகள் குறித்து உடனடி தகவல் வெளியாகவில்லை.
Earthquake of Magnitude:3.5, Occurred on 04-02-2024, 14:37:15 IST, Lat: 25.80 & Long: 90.69,Depth: 12 Km ,Region:East Garo Hills, Meghalaya,India for more information Download the BhooKamp App https://t.co/m58YPgLzm2@KirenRijiju @Ravi_MoES @Dr_Mishra1966 @ndmaindia @Indiametdept pic.twitter.com/TFGfDX8XDq
— National Center for Seismology (@NCS_Earthquake) February 4, 2024
மேகாலயா நிலநடுக்கத்தைத் தொடர்ந்து, லடாக்கின் கார்கில் பகுதியில் பிற்பகல் 2.42 மணிக்கு நிலநடுக்கம் ஏற்பட்டது. இது ரிக்டர் அளவுகோலில் 3.8 ஆக பதிவானது.
