இங்கிலாந்துக்கு எதிரான இரண்டாவது டெஸ்ட் கிரிக்கெட் போட்டியில், இந்திய அணி 106 ரன்கள் வித்தியாசத்தில் அபார வெற்றி பெற்றது.
இந்தியாவில் சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி, 5 போட்டிகள் கொண்ட டெஸ்ட் தொடரில் விளையாடி வருகிறது. முதல் டெஸ்ட் போட்டியில் இங்கிலாந்து அணி வெற்றி பெற்றது.
இதை அடுத்து, விசாகப்பட்டினத்தில் கடந்த 2-ஆம் தேதி 2-வது டெஸ்ட் போட்டி தொடங்கியது. இதில், இந்திய அணி முதல் இன்னிங்ஸில் 396 ரன்கள் எடுத்தது. தனி ஆளாக நின்ற ஜெய்ஸ்வால் அபாரமாக பேட்டிங் செய்து, இரட்டை சதம் விளாசினார். பின்னர், விளையாடிய இங்கிலாந்து அணி 253 ரன்களுக்கு அனைத்து விக்கெட்டுகளையும் இழந்தது.
இதனை அடுத்து இரண்டாவது இன்னிங்ஸில் விளையாடிய இந்திய அணி 255 ரன்கள் எடுத்தது. இதில், சுப்மன் கில் சதம் அடித்து அசத்தினர். 399 ரன்கள் எடுத்தால் வெற்றி என்ற இலக்குடன் இரண்டாவது இன்னிங்ஸில் களமிறங்கிய இங்கிலாந்து அணி, 292 ரன்களுக்கு அனைத்து விக்கெட்டுகளையும் இழந்தது.
இங்கிலாந்துக்கு எதிரான 2-வது டெஸ்ட் கிரிக்கெட் போட்டியில் இந்திய அணி 106 ரன்கள் வித்தியாசத்தில் அபார வெற்றி பெற்றது.
