இந்தியாவில் நடைபெற்று வரும் புரோ கபடி தொடரில், இன்றைய போட்டியில் புனேரி பல்டன் – உ.பி. யோதாஸ் அணிகளும், இரண்டாவது போட்டியில் பெங்களூரு புல்ஸ் – ஹரியானா ஸ்டீலர்ஸ் அணிகளும் விளையாடவுள்ளன.
இந்தியாவில் உள்ள மாநிலங்களுக்கிடையே கபடி லீக் தொடர் நடைபெற்று வருகிறது. இதில், மொத்தம் 12 அணிகள் பங்குபெற்று விளையாடி வருகின்றன.
இந்த தொடரில், பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்கேற்றுள்ளன.
தற்போது இந்த தொடர் இறுதி கட்டத்தை எட்டியுள்ளது. இந்த தொடரின் லீக் போட்டிகள் இன்றுடன் முடிவடைய போகிறது.
இந்நிலையில் இன்று இரண்டு போட்டிகள் நடைபெற உள்ளது. இதில் முதல் போட்டி இரவு 8 மணிக்கு ஹரியானாவில் நடைபெறவுள்ளது. இதில் புனேரி பல்டன் – உ.பி. யோதாஸ் அணிகள் விளையாடவுள்ளன.
இன்று மற்றொரு போட்டி இரவு 9 மணிக்கு நடைபெறவுள்ளது. இதில் பெங்களூரு புல்ஸ் – ஹரியானா ஸ்டீலர்ஸ் அணிகள் விளையாடவுள்ளன.
இன்றோடு இந்த லீக் போட்டிகள் முடிவடைந்து வரும் 26 ஆம் தேதி பிளே ஆப் சுற்று நடைபெறவுள்ளது.
