தேசத்தின் பாதுகாப்பு, ஒருமைப்பாடு மற்றும் இறையாண்மைக்கு எதிராக தொடர்ந்து செயல்பட்டதற்காக ஜமாத்-இ-இஸ்லாமி (ஜம்மு காஷ்மீர்) மீதான தடையை மேலும் ஐந்து ஆண்டுகளுக்கு மத்திய அரசு நீட்டித்துள்ளது. இந்த தகவலை மத்திய உள்துறை அமைச்சர் அமித் ஷா தெரிவித்துள்ளார்.
பாரத பிரதமர் நரேந்திர தலைமையிலான மத்திய அரசு நாட்டினை வளர்ச்சி பாதைக்கு கொண்டு செல்கிறது. இதற்கு தடையாக இருக்கும் தீவிரவாத அமைப்புகளையும், பிரிவினைவாத அமைப்புகளையும் மத்திய அரசு தடை செய்து வருகிறது.
அந்த வகையில், தேசத்தின் பாதுகாப்பு, ஒருமைப்பாடு மற்றும் இறையாண்மைக்கு எதிராக தொடர்ந்து செயல்பட்டதற்காக ஜமாத்-இ-இஸ்லாமி (ஜம்மு காஷ்மீர்) மீதான தடையை மேலும் ஐந்து ஆண்டுகளுக்கு மத்திய அரசு நீட்டித்து உத்தரவிட்டுள்ளது.
இந்த அமைப்பு ஜம்மு காஷ்மீரில் பல்வேறு தீவிரவாத செயல்களில் ஈடுபட்டு வந்தது. இதனால், இந்த அமைப்பை கடந்த 2019-ஆம் ஆண்டு மத்திய அரசு தடை செய்தது.
இந்த தீவிரவாத அமைப்புடன் தொடர்புடையவர்களுக்கு சொந்தமான இடங்களில், கடந்த சில நாட்களுக்கு முன் தேசிய புலனாய்வு அமைப்பு சோதனை நடத்தியது. இதில், தீவிரவாதம் தொடர்புடைய ஆவணங்கள், டிஜிட்டல் கருவிகள் மற்றும் ரூ.20 லட்சம் ரொக்கம் ஆகியவை கைப்பற்றப்பட்டது. இதனைத் தொடர்ந்து, தற்போது தடை விதிக்கப்பட்டுள்ளது.
