அகில பாரதீய வித்யார்த்தி பரிஷத்தின் மத்திய செயலாக்க குழு கூட்டம் புதுச்சேரியில் உள்ள விவேகானந்தா சி.பி.எஸ்.சி பள்ளியில் நடைபெற்றது.
அப்போது, நடைபெற உள்ள மக்களவைத் தேர்தலை முன்னிட்டு, இளம் வாக்காளர்களுக்காக வாக்களிப்பதின் முக்கியத்துவம் குறித்து விழிப்புணர்வு ஏற்படுத்தும் வகையில் பரப்புரையை நாடு முழுவதும் தீவிரப்படுத்த வேண்டும் என்றும்,
நாடு முழுவதும் உள்ள கல்வி நிலையங்களில் வித்யார்த்தி பரிஷத் கல்வியின் முக்கியத்துவம் பற்றிய பரப்புரைகள் எவ்வாறு செய்யப்பட வேண்டும் என்றும், கல்வித்துறையில் ஆக்கப்பூர்வமான மாற்றங்களைக் கொண்டுவர என்ன செய்ய வேண்டும் என்றும், அதற்காக நடவடிக்கைகள் குறித்து ஆலோசனை செய்யப்பட்டது.
அப்போது, கூட்டத்தில் பேசிய, அகில பாரதீய வித்யார்த்தி பரிஷத்தின் தேசிய தலைவர் டாக்டர் ராஜ்ஸரன் ஸாஹி, கல்வித்துறையில் மாணவர்களின் நலன் சார்ந்த முன்னேற்றத்தை முன்னெடுக்க வேண்டும் என்றும், அதற்காக அகில பாரதீய வித்யார்த்தி பரிஷத் நாடு முழுவதும் தீவிர பரப்புரை செய்யும் என்றார்.
இதனைத்தொடர்ந்து பேசிய, அகில பாரதீய வித்யார்த்தி பரிஷத்தின் தேசிய பொதுச் செயலாளர் டாக்டர். யாக்யவல்க்ய சுக்லா, மத்திய செயலாக்க குழு கூட்டத்தில் கடந்த வருடம் நடைபெற்ற திட்டங்கள் மற்றும் வரக்கூடிய ஆண்டுகளில் செய்ய உள்ள செயல்பாடுகள் குறித்து விரிவாக ஆலோசனை செய்யப்பட்டுள்ளது. வரும் மக்களவைத் தேர்தலில் இளைஞர்களின் வாக்குகளின் முக்கியத்துவத்தை உணர்த்திடும் வகையில் நாடு முழுவதும் விழிப்புணர்வு பரப்புரை செய்யப்பட உள்ளது என்றார்.
மேலும், மேற்கு வங்க மாநிலத்தில் பெண்களுக்கு எதிராகச் சந்தேஷ்காளியில் நடைபெற்ற வன்முறை சம்பவத்தைக் கண்டித்தும், குற்றவாளிகளைக் காப்பாற்ற முயற்சிக்கும் மேற்கு வங்க அரசாங்கத்தை கண்டிப்பது உள்ளிட்ட முக்கியத் தீர்மானங்கள் நிறைவேற்றப்பட்டது.
