மத்திய பிரதேசத்தை சேர்ந்த காங்கிரஸ் கட்சியின் மூத்த அரசியல் தலைவரும், காந்திஜிக்கு நெருக்கமான சுரேஷ் பச்சோரி பாஜகவில் இணைந்துள்ளார்.
மக்களவைத் தேர்தலுக்கு முன்னதாக மத்தியப் பிரதேசத்தில் காங்கிரஸுக்கு அதிர்ச்சி அளிக்கும் விதமாக, காங்கிரஸ் மூத்த தலைவரும், முன்னாள் மத்திய அமைச்சருமான சுரேஷ் பச்சோரி, முன்னாள் எம்.பி., கஜேந்திர சிங் ராஜுகேடி மற்றும் அக்கட்சியின் முன்னாள் எம்.எல்.ஏ.க்கள் உட்பட பலர் இன்று பாஜகவில் இணைந்தனர்.
மத்தியப் பிரதேச முதல்வர் மோகன் யாதவ், மாநில பாஜக தலைவர் வி.டி. சர்மா, முன்னாள் முதல்வர் சிவராஜ் சிங் சவுகான் ஆகியோர் முன்னிலையில் பச்சோரி, ராஜுகேடி மற்றும் பிற தலைவர்கள் பாரதிய ஜனதா கட்சியில் (பாஜக) இணைந்தனர்.
சுரேஷ் பச்சோரி முன்னாள் மத்திய மந்திரியாக இருந்துள்ளார். காங்கிரஸ் ஆட்சி காலத்தில் பாதுகாப்பு துறையின் இணை மந்திரியாக இருந்துள்ளார். மேலும், நான்கு முறை மாநிலங்களை எம்.பி.யாக தேர்வு செய்யப்பட்டுள்ளார்.
இவருடன் முன்னாள் எம்.பி. கஜேந்திர சிங் ராஜுகெதி, முன்னாள் எம்.எல்.ஏ.-க்கள் (சஞ்சய் சுக்லா. அர்ஜுன் பாலியா, விஷல் பட்டேல்) மற்றும் பலர் இன்று பா.ஜனதாவில் இணைந்தனர்.
காந்தி குடும்பத்தினருக்கு மிகவும் நெருக்கமாக இருந்தவர் பச்சோரி. காங்கிரஸ் கட்சியில் மிக முக்கியமான முடிவுகளை எடுக்கும் குழுவில் உள்ள ஒரு நபராக இருந்தவர். மத்திய பிரதேச மாநில காங்கிரஸ் கட்சி தலைவராக இருந்தபோது சில முக்கிய முடிவுகளை எடுத்துள்ளார். அம்மாநில இளைஞர் காங்கிரஸ் தலைவராகவும் இருந்துள்ளார்.
காந்தி குடும்பத்திற்கு நெருக்கமான சுரேஷ் பச்சோரி, மத்திய பாதுகாப்பு (பாதுகாப்பு உற்பத்தி மற்றும் பொருட்கள்) இணை அமைச்சராக இருந்தார், மேலும் கட்சியின் ராஜ்யசபா உறுப்பினராகவும் நான்கு முறை பணியாற்றினார்.
பழங்குடியினரின் முக்கியத் தலைவரான ராஜுகேடி, 1998, 1999 மற்றும் 2009 ஆகிய மூன்று முறை காங்கிரஸ் சார்பில் தார் (பட்டியலிடப்பட்ட பழங்குடியினர்) மக்களவைத் தொகுதியில் இருந்து எம்.பி.யாகத் தேர்ந்தெடுக்கப்பட்டார். காங்கிரஸில் சேருவதற்கு முன்பு, 1990 இல் பிஜேபி எம்எல்ஏவாக தேர்ந்தெடுக்கப்பட்டார் என்பது குறிப்பிடத்தக்கது.
