டெல்லியின் கேஷப்பூர் பகுதியில், ஆழ்துளைக் கிணற்றுக்குள் தவறி விழுந்த இளைஞரை, பத்திரமாக மீட்கும் பணிகள் தீவிரமாக நடந்து வருகிறது.
டெல்லி கேஷப்பூர் பகுதியில், ஜல் போர்டு நீர் சுத்திகரிப்பு நிலையம் உள்ளது. இங்கு சுமார் 40 அடி ஆழம் கொண்ட ஆழ்துளை கிணற்றுக்குள் இளைஞர் ஒருவர் தவறி விழுந்தார்.
இதுகுறித்து அப்பகுதியில் இருந்தவர்கள் போலீசார் மற்றும் தீயணைப்புத் துறையினருக்கு தகவல் கொடுத்தனர். தகவலின் பேரில் டெல்லி போலீசார் மற்றும் தீயணைப்புத் துறையினர் விரைந்து வந்தனர். இதைத்தொடர்ந்து, தேசிய பேரிடர் மீட்புக் குழுவினரும் வரவழைக்கப்பட்டனர்.
மீட்புக் குழுவினர் குழந்தையை மீட்கும் பணியில் தீவிரமாக ஈடுபட்டுள்ளனர். மேலும் ஆழ்துளை கிணற்றின் பக்கவாட்டில் JCB இயந்திரத்தைக் கொண்டு பள்ளம் தோண்டும் பணி நடைபெற்றுக் கொண்டிருக்கிறது.
