முன்னாள் ஜனாதிபதி மருத்துவமனையில் அனுமதி

முன்னாள் ஜனாதிபதி பிரதீபா பாட்டீல் உடல்நலக்குறைவு காரணமாக மருத்துவமனையில் அனுமதிக்கப்பட்டுள்ளார்.

முன்னாள் ஜனாதிபதி பிரதீபா பாட்டீல். இவருக்கு வயது 89. இந்த நிலையில், பிரதீபா பாட்டீல் நெஞ்சுவலி மற்றும் காய்ச்சல் காரணமாகக் கடந்த சிலதினங்களாக அவதிப்பட்டு வந்தார்.

சிகிச்சை பெறுவதற்காக, மகாராஷ்டிரா மாநிலம் புனேவில் உள்ள பாரதி மருத்துவமனையில் நேற்று இரவு அனுமதிக்கப்பட்டார். அங்கு அவருக்குத் தீவிர சிகிச்சை அளிக்கப்பட்டு வருகிறது.

முன்னாள் ஜனாதிபதி பிரதீபா பாட்டீல் உடல் நலம் குறித்துப் பாரதி மருத்துவமனை வெளியிட்டுள்ள மருத்துவ அறிக்கையில், பிரதீபா பாட்டீல் உடல் நலம் சீராக உள்ளது என்றும், அவருக்கு தொடர் சிகிச்சை அளிக்கப்பட்டு வருவதாகவும், மருத்துவமனை நிர்வாகம் தெரிவித்துள்ளது.

இந்தியாவின் முதல் பெண் ஜனாதிபதியாக 2007 முதல் 2012 வரை பதவி வகித்தவர் பிரதீபா பாட்டீல் என்பது குறிப்பிடத்தக்கது.