இங்கிலாந்து கிரிக்கெட் அணி இந்தியாவிற்கு சுற்றுப்பயணம் மேற்கொண்டு 5 போட்டிகள் டெஸ்ட் தொடரில் விளையாடியது. இந்த தொடரில் இந்தியா 4-1 என்ற கணக்கில் தொடரை வென்ற வரலாற்று சாதனை படைத்தது.
இந்த தொடரில் அறிமுக வீரராக சர்பராஸ் கான் மூன்றாவது போட்டியில் களமிறங்கினார். புதியதாக அறிமுகம் ஆகும் வீரர்களுக்கு இந்திய அணி சார்பாக அறிமுக தொப்பி வழங்கப்படும்.
அப்படி சர்பராஸ் கான்னுக்கு வழங்கப்பட்டது. அப்போது சர்பராஸ் கான்னின் தந்தையை கட்டி அனைத்து ஆனந்த கண்ணீர் வடித்தார்.
அதேபோல் இந்த டெஸ்ட் தொடரில் சிறப்பாக விளையாடிய சர்பராஸ் கான் 3 போட்டிகளில் 3 அரை சதங்களுடன் 200 ரன்கள் அடித்துள்ளார்.
இதையடுத்து சர்பராஸ் கானின் தந்தைக்கு தார் ஜீப்பை பரிசளிக்க விரும்புவதாக ஆனந்த் மஹிந்திரா தனது எக்ஸ் பக்கத்தில் தெரிவித்திருந்தார்.
அதில், தைரியத்தை இழந்துவிட வேண்டாம். கடின உழைப்பு. தைரியம். பொறுமை போன்ற ஒரு தந்தையின் குணங்களை விட, ஒரு குழந்தைக்கு ஊக்கமளிக்க சிறந்த குணங்கள் ஏதேனும் உள்ளதா?.
தனது மகனுக்கு உத்வேகம் தரும் ஒரு தந்தையாக இருப்பதற்காக, சர்பராஸ் கானின் தந்தையான நௌஷாத் கானுக்கு ‘மஹிந்திரா தார்’ காரை பரிசளிக்க விரும்புகிறேன். எனது பரிசை அவர் ஏற்றுக்கொண்டால் அது எனது பாக்கியம் மற்றும் கவுரவமாக கருதுவேன்’ என்று பதிவிட்டிருந்தார்.
அதன்படி, இந்திய வீரர் சர்பராஸ் கானின் தந்தைக்கு தார் ஜீப்பை தொழிலதிபர் ஆனந்த் மஹிந்திரா பரிசளித்துள்ளார்.
