எல்.டி.எப், யூ.டி.எப் ஆகிய இரு கட்சிகளும் ஒரே நாணயத்தின் இரு பக்கங்கள் என பிரதமர் மோடி தெரிவித்துள்ளார்.
பிரதமர் நரேந்திர மோடி நமோ செயலி மூலம் கேரள பாஜக நிர்வாகிகளுடன் தொண்டர்களுடன் கலந்துரையாடினார். அப்போது மக்களவைத் தேர்தலுக்கான பூத் மட்டத்தில் நடைபெற்று வரும் களப் பணிகள் குறித்து அவர் ஆலோசனை நடத்தினார்.
அப்போது பேசிய பிரதமர் மோடி, மாநிலத்தில் ஆளும் எல்டிஎஃப் மற்றும் எதிர்க்கட்சியான யுடிஎஃப் ஆகிய இரண்டும் ஒரே நாணயத்தின் இரு பக்கங்கள் என்பதை வாக்காளர்களுக்கு தெரிவிக்குமாறு கேட்டுக் கொண்டார்.
இண்டி கூட்டணியில் அங்கம் வகிக்கும் இரு முன்னணிகளும் கேரளாவில் மட்டுமே எதிரிகளாக செயல்படுவதாகவும், பாஜக மற்றும் மோடியை தோற்கடிக்க ஒன்றிணைந்து செயல்படுவதாகவும் பிரதமர் கூறினார்.
இருவரும் ஒருவரின் தவறுகளை மறைக்க வேலை செய்கிறார்கள். கேரள மக்கள் படித்தவர்கள், இதுபற்றி அவர்களுக்குத் தெரிவிக்க வேண்டும் என்று தொண்டர்களை பிரதமர் மோடி கேட்டுக்கொண்டார்.
