திமுக முன்னாள் அமைச்சர் செந்தில் பாலாஜி ஜாமீன் கோரி தாக்கல் செய்த மனுவுக்கு, அமலாக்கத்துறை பதிலளிக்க வேண்டும் என்று உச்ச நீதிமன்றம் உத்தரவிட்டுள்ளது.
சட்ட விரோத பணப்பரிமாற்ற தடை சட்ட வழக்கில், கடந்த 2013-ம் ஆண்டு ஜூன் மாதம், திமுக முன்னாள் அமைச்சர் செந்தில் பாலாஜியை அமலாக்கத்துறை கைது செய்தது. தற்போது அவர் புழல் சிறையில் அடைக்கப்பட்டுள்ளார்.
இதனிடையே, செந்தில் பாலாஜியின் ஜாமீன் மனு கீழமை நீதிமன்றத்திலும், சென்னை உயர் நீதிமன்றத்திலும் தள்ளுபடி செய்யப்பட்டது.
இந்த நிலையில், செந்தில் பாலாஜி தனக்கு ஜாமீன் கோரி உச்ச நீதிமன்றத்தில் மனு தாக்கல் செய்தார். அதேபோல், தனக்கு எதிரான வழக்கை மூன்று மாதத்தில் விசாரித்து முடிக்க வேண்டும் என சென்னை உயர் நீதிமன்ற உத்தரவுக்கு எதிராகவும், உச்ச நீதிமன்றத்தில் மனு தாக்கல் செய்திருந்தார்.
இந்த மனுக்கள் இன்று உச்ச நீதிமன்றத்தில் விசாரணைக்கு வந்தது. அப்போது, செந்தில் பாலாஜி ஜாமீன் கோரிய மனு மீது அமலாக்கத்துறை பதிலளிக்க வேண்டும் என்றும்,
மூன்று மாதங்களில் விசாரணையை முடிக்க வேண்டும் என்ற சென்னை உயர் நீதிமன்ற உத்தரவுக்கு தடை விதிக்க முடியாது என்றும் உச்ச நீதிமன்றம் தெரிவித்தது. மேலும், இந்த வழக்கு விசாரணை வரும் 29-ம் தேதிக்கு தள்ளி வைக்கப்பட்டது.
