இமாச்சல பிரதேசத்தில் நேற்றிரவு 5.3 ரிக்டர் அளவில் நிலநடுக்கம் ஏற்பட்டது. வீடுகள் லேசாக குலுங்கியதால், மக்கள் அச்சமடைந்தனர்.
இமாச்சல பிரதேசத்தின் சம்பா பகுதியில், இரவு 9.34 மணிக்கு நிலநடுக்கம் ஏற்பட்டது. இது ரிக்டர் அளவில் 5.3 ஆக பதிவானது.
இந்த நிலநடுக்கம் பூமிக்கடியில் 10 கிலோ மீட்டர் ஆழத்தில் மையம் கொண்டு ஏற்பட்டதாக தேசிய நில நடுக்க ஆய்வு மையம் தெரிவித்துள்ளது.
சம்பா மற்றும் சுற்றுவட்டார பகுதிகளில், நிலநடுக்கத்தின் அதிர்வுகள் உணரப்பட்டது. வீட்டில் இருந்த பொருட்கள் அனைத்தும் லேசாக குலுங்கின. இதனால், அச்சமடைந்த மக்கள் தங்கள் வீடுகளை விட்டு வெளியேறி சாலைகளில், தஞ்சமடைந்தனர்.
இந்த நிலநடுக்கத்தினால், ஏற்பட்ட பாதிப்புகள் குறித்து தகவல் வெளியாகவில்லை.
