பிரதமர் மோடியை சந்திக்க ஆவலுடன் காத்திருக்கிறேன் – எலான் மஸ்க் 

பிரதமர் நரேந்திர மோடியை சந்திக்க ஆவலுடன்  காத்திருப்பதாக, எலான் மஸ்க் தெரிவித்துள்ளார்.

உலக பணக்காரர்களில் ஒருவரும், ‘எக்ஸ்’ வலைத்தள நிறுவனத்தின் உரிமையாளரும், டெஸ்லா நிறுவனத்தின் சிஇஓ-மான எலான் மஸ்க் வரும் 22-ஆம் தேதி இந்தியா வர உள்ளதாக தகவல் வெளியாகியுள்ளது.

அப்போது, பாரத பிரதமர் நரேந்திர மோடியை சந்திப்பார் என்றும், இந்தியாவில் புதிய முதலீடுகள் மற்றும் புதிய தொழிற்சாலைகள் அமைப்பது குறித்து தெரிவிப்பார் என்றும் கூறப்படுகிறது.  இந்தியாவில் டெஸ்லா நிறுவனத்தின் முதலீட்டு திட்டங்களை அறிவிப்பார் என்றும் எதிர்பார்க்கப்படுகிறது.

இதுகுறித்து எலான் மஸ்க் தனது எக்ஸ் பதிவில், ” இந்தியாவில் பிரதமர் நரேந்திர மோடியை சந்திக்க ஆவலுடன் காத்திருக்கிறேன்” என்று பதிவிட்டுள்ளார்.

இதனிடையே  கடந்த ஆண்டு ஜூன் மாதம் அமெரிக்கா சென்றிருந்த பிரதமர் நரேந்திர மோடியை எலான் மஸ்க் சந்தித்தார். அப்போது, பிரதமர் மோடியிடம், தான் 2024-ல் இந்தியா வருவதாக அவர் தெரிவித்தது  குறிப்பிடத்தக்கது.

Looking forward to meeting with Prime Minister @NarendraModi in India!

— Elon Musk (@elonmusk) April 10, 2024