முன்னாள் அமைச்சர் செந்தில்பாலாஜியின் ஜாமின் மனு மீதான விசாரணையை வரும் 6-ம் தேதிக்கு ஒத்தி வைத்து உச்சநீதிமன்றம் உத்தரவிட்டுள்ளது.
சட்ட விரோத பணப்பரிமாற்ற தடைச் சட்ட வழக்கில் கைது செய்யப்பட்ட முன்னாள் அமைச்சர் செந்தில் பாலாஜி, கடந்த 10 மாதங்களுக்கும் மேலாக சிறையில் அடைக்கப்பட்டுள்ளார்.
ஜாமின் கோரி கீழமை நீதிமன்றம், உயர் நீதிமன்றத்தில் அவர் தாக்கல் செய்த மனுக்கள் தள்ளுபடி செய்யப்பட்டன.
இதனைத் தொடர்ந்து, தனக்கு ஜாமின் வழங்கக் கோரி செந்தில் பாலாஜி தரப்பில் உச்ச நீதிமன்றத்தில் மனு தாக்கல் செய்யப்பட்டது.
இந்த மனு நீதிபதி அபய் எஸ்.ஓஹா தலைமையிலான அமர்வில் விசாரணைக்கு வந்தது.
முன்னதாக, அமலாக்கத்துறை தரப்பில் தாக்கல் செய்யப்பட்ட பதில் மனுவில்,
செந்தில் பாலாஜிக்கு இச்சமயத்தில் ஜாமின் வழங்கினால் அது வழக்கு விசாரணையை பாதிக்கும் எனத் தெரிவிக்கப்பட்டது.
மேலும், செந்தில்பாலாஜிக்கு எதிரான ஆதாரங்கள் வலுவாக உள்ளதால் அவருக்கு ஜாமின் வழங்க கூடாது எனவும், அவரது மேல்முறையீட்டு மனுவை தள்ளுபடி செய்ய வேண்டும் எனவும் அமலாக்கத்துறை தனது பதில் மனுவில் கூறியிருந்தது.
இதனைத் தொடர்ந்து, வழக்கின் விசாரணையை வரும் 6-ம் தேதிக்கு ஒத்தி வைத்து உச்சநீதிமன்றம் உத்தரவிட்டது.
